ಸೇಡಂ: ರಾಜಕುಮಾರ ಪಾಟೀಲಗೆ ಕೊನೆಗೂ ಒಲಿದ ಬಿಜೆಪಿ ಟಿಕೆಟ್

ಕಲಬುರಗಿ: ಹಾಲಿ ಶಾಸಕ, ಕೆಕೆಆರ್‌ಟಿಸಿ ಹಾಗೂ ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ರಾಜಕುಮಾರ ಪಾಟೀಲ ತೇಲ್ಕೂರ ಅವರಿಗೆ ಮೂರನೇ ಪಟ್ಟಿಯಲ್ಲಿ ಬಿಜೆಪಿ ಟಿಕೆಟ್ ಘೋಷಣೆ ಮಾಡಿದೆ.

ಮೊದಲ ಹಾಗೂ ಎರಡನೇ ಪಟ್ಟಿಯಲ್ಲಿ ಟಿಕೆಟ್ ಸಿಗದೇ ಇರುವುದರಿಂದ ಈ ಬಾರಿ ಟಿಕೆಟ್‌ ಕೈತಪ್ಪಬಹುದು ಎಂಬ ಚರ್ಚೆ ಕ್ಷೇತ್ರದಲ್ಲಿ ನಡೆದಿತ್ತು. ಇದೀಗ ಕೊನೆಗೂ ತೇಲ್ಕೂರ ಅವರಿಗೇ ಟಿಕೆಟ್ ಘೋಷಿಸಲಾಗಿದೆ.

ಟಿಕೆಟ್ ಘೋಷಣೆ ವಿಳಂಬವಾಗಿದ್ದರೂ ಕ್ಷೇತ್ರದಲ್ಲಿ ನಿರಂತರವಾಗಿ ಪ್ರಚಾರದಲ್ಲಿ ರಾಜಕುಮಾರ ಪಾಟೀಲ ತೊಡಗಿಸಿಕೊಂಡಿದ್ದರು.