ಉದ್ಯಮಿ ಸೂರಜ್ ನಂಬಿಯಾರ್ ಜತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಮೌನಿ ರಾಯ್

ಬೆಂಗಳೂರು: ನಟಿ ಮೌನಿ ರಾಯ್ ಅವರು ಗೆಳೆಯ, ಉದ್ಯಮಿ ಸೂರಜ್ ನಂಬಿಯಾರ್ ಜತೆ ಗೋವಾದಲ್ಲಿ ಗುರುವಾರ ಮದುವೆಯಾಗಿದ್ದಾರೆ.

ಮೌನಿ ರಾಯ್ ಮತ್ತು ಸೂರಜ್ ಮದುವೆಯ ಚಿತ್ರಗಳು ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿವೆ.

ಕುಟುಂಬ ಸದಸ್ಯರು ಮತ್ತು ಚಿತ್ರರಂಗದ ಆಪ್ತರ ಸಮ್ಮುಖದಲ್ಲಿ ಇವರ ವಿವಾಹ ನೆರವೇರಿದೆ.

2019ರಲ್ಲಿ ಹೊಸ ವರ್ಷಾಚರಣೆಯ ಸಂದರ್ಭ ಮೌನಿ ರಾಯ್‌ ಅವರಿಗೆ ಸೂರಜ್ ಪರಿಚಯವಾಗಿತ್ತು. ಬಳಿಕ ಅವರಿಬ್ಬರ ಮಧ್ಯೆ ಪ್ರೀತಿ ಉಂಟಾಗಿತ್ತು. ಆದರೆ ಪ್ರೀತಿಸುತ್ತಿರುವ ವಿಚಾರವನ್ನು ಎಲ್ಲಿಯೂ ಇಬ್ಬರೂ ಬಹಿರಂಗಪಡಿಸಿರಲಿಲ್ಲ.

ಬಿಳಿ ಬಣ್ಣದ, ಕೆಂಪು ಅಂಚಿನ ಸೀರೆಯುಟ್ಟು ನಟಿ ಮೌನಿ ರಾಯ್ ಕಂಗೊಳಿಸಿದರೆ, ವರ ಸೂರಜ್, ಚಿನ್ನದ ಬಣ್ಣದ ಕುರ್ತಾ ಮತ್ತು ಬಿಳಿ ಪಂಚೆಯುಟ್ಟು ಮದುವೆ ಶಾಸ್ತ್ರ ನೆರವೇರಿಸಿದರು.

ಸೂರಜ್ ಅವರು ಮಲೆಯಾಳಿ ಕುಟುಂಬದವರಾಗಿದ್ದು, ಮಲೆಯಾಳಂ ಸಂಪ್ರದಾಯದಂತೆ ಗೋವಾದಲ್ಲಿ ಮದುವೆ ನಡೆದಿದೆ.

ಪ್ರಿಯತಮನ ಪರಿಚಯ ಮಾಡಿಕೊಟ್ಟ ’ವಜ್ರಕಾಯ’ ಬೆಡಗಿ ಶುಭ್ರಾ ಅಯ್ಯಪ್ಪ

ಗುರುವಾರ ಬೆಳಗ್ಗೆ ಮೌನಿ ರಾಯ್ ಅವರು, ಎವರಿಥಿಂಗ್ ಎಂಬ ಅಡಿಬರಹ ನೀಡಿ, ಸೂರಜ್ ಜತೆಗಿನ ಫೋಟೊ ಒಂದನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿ, ಭಾವಿ ಪತಿಯ ಪರಿಚಯ ಮಾಡಿಕೊಟ್ಟದ್ದರು.

ನನ್ನವನು ಎಂದು ಭಾವಿ ಪತಿಯ ಫೋಟೊ ಹಂಚಿಕೊಂಡ ಕೆಜಿಎಫ್ ಬೆಡಗಿ ಮೌನಿ ರಾಯ್