ಚರ್ಮದ ಸಮಸ್ಯೆಯಿದೆ ಎಂದು ಸಹಜ ಫೋಟೊ ಪೋಸ್ಟ್ ಮಾಡಿದ ಯಾಮಿ ಗೌತಮ್
ಬೆಂಗಳೂರು: ಬಾಲಿವುಡ್ ನಟಿ ಯಾಮಿ ಗೌತಮ್ ಅವರು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಮಾಡಿರುವ ಪೋಸ್ಟ್ ಒಂದು ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ.
ಯಾಮಿ ಗೌತಮ್ ಅವರು, ನನಗೆ ’ಕೆರಾಟೊಸಿಸ್-ಪಿಲಾರಿಸ್’ ಎನ್ನುವ ಚರ್ಮದ ಸಮಸ್ಯೆಯಿದೆ. ಮೊದಲು ಆ ಬಗ್ಗೆ ಹೇಳಿಕೊಳ್ಳಲು ನನಗೆ ಮುಜುಗರವಾಗುತ್ತಿತ್ತು. ಇದು ನನ್ನ ಹದಿಹರೆಯದಿಂದಲೂ ಇದ್ದು, ಅದಕ್ಕೆ ಸೂಕ್ತ ಪರಿಹಾರವಿಲ್ಲ. ಹಾಗೆಂದು ನನಗೆ ಬೇಸರವಿಲ್ಲ, ಇಂತಹ ಸಮಸ್ಯೆಗಳು ಹಲವರಲ್ಲಿ ಕಾಣಿಸಿಕೊಳ್ಳುತ್ತದೆ. ಹಾಗೆಂದು ಕುಗ್ಗಬೇಕಿಲ್ಲ ಎಂದು ಹೇಳಿಕೊಂಡಿದ್ದಾರೆ.
ಜತೆಗೆ ಯಾಮಿ ಗೌತಮ್, ಎಡಿಟ್ ಮಾಡದ ಸಹಜ ಚಿತ್ರಗಳನ್ನು ಪೋಸ್ಟ್ ಮಾಡಿದ್ದು, ಚರ್ಮದ ಮೇಲೆ ಸಣ್ಣ ಸಣ್ಣ ಗುಳ್ಳೆಯಂತಹ ರಚನೆಗಳು ಸೃಷ್ಟಿಯಾಗುತ್ತವೆ. ಆದರೆ ಅದರಿಂದ ಸಮಸ್ಯೆಯೇನಿಲ್ಲ, ಅದಕ್ಕಾಗಿ ಚಿಂತೆ ಮಾಡಬೇಡಿ ಎಂದಿದ್ದಾರೆ.
ಯಾಮಿ ಗೌತಮ್ ಅವರ ಈ ಪೋಸ್ಟ್‌ಗೆ ಜನರಿಂದ ಮೆಚ್ಚುಗೆ ವ್ಯಕ್ತವಾಗಿದ್ದು, ಚರ್ಮ ಮತ್ತು ಸಹಜ ಸೌಂದರ್ಯ ಕುರಿತಂತೆ ಕೀಳರಿಮೆ ಬೆಳೆಸಿಕೊಳ್ಳಬಾರದು ಎಂಬ ಸಲಹೆ ನೀಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.