ಅವಳನ್ನು ಮನೆಗೆ ಕರೆದುಕೊಂಡು ಹೋಗಬೇಕೆಂದಿದ್ದೆ.. ಆದರೆ..: ಅಮಿತಾಭ್ ಬಚ್ಚನ್
ಬೆಂಗಳೂರು: ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್‌ಗೆ ನಾಯಿ ಎಂದರೆ ಪಂಚಪ್ರಾಣ.. ಶ್ವಾನ ಕುರಿತ ಪ್ರೀತಿಯನ್ನು ಅವರು ಸಾಮಾಜಿಕ ತಾಣಗಳ ಮೂಲಕ ಆಗಾಗ ವ್ಯಕ್ತಪಡಿಸುತ್ತಾರೆ.
ಅದೇ ರೀತಿಯಲ್ಲಿ ಈ ಬಾರಿ ಅಮಿತಾಭ್ ಬಚ್ಚನ್, ಪುಟ್ಟ ಗೋಲ್ಡನ್ ರಿಟ್ರೀವರ್ ನಾಯಿಮರಿಯ ಜತೆಗೆ ಫೋಟೊ ಒಂದನ್ನು ಪೋಸ್ಟ್ ಮಾಡಿದ್ದಾರೆ.
ಸೆಟ್‌ನಲ್ಲಿ ಇವಳು ನನ್ನ ಬೆಸ್ಟ್ ಜತೆಗಾತಿ.. ನನ್ನ ಕೈಗಳಲ್ಲಿ ಇವಳು ತುಂಬಾ ಆರಾಮವಾಗಿ ಇರುತ್ತಾಳೆ. ಅವಳನ್ನು ಮನೆಗೆ ಕರೆದುಕೊಂಡು ಹೋಗಬೇಕೆಂದಿದ್ದೆ.. ಆದರೆ.. ಎಂಬ ಅಡಿಬರಹ ನೀಡಿದ್ದಾರೆ ಅಮಿತಾಭ್ ಬಚ್ಚನ್.
ಅಲ್ಲದೆ, ಆ ಬಗ್ಗೆ ತಮ್ಮ ಅಧಿಕೃತ ಬ್ಲಾಗ್‌ನಲ್ಲಿ ಅಮಿತಾಭ್ ಬಚ್ಚನ್ ಬರೆದುಕೊಂಡಿದ್ದು, ಮನೆಗೆ ತಂದರೆ ಕೆಲವು ಸಮಯದ ಬಳಿಕ ಸಾಕುಪ್ರಾಣಿಗಳು ಸಾವನ್ನಪ್ಪುತ್ತವೆ ಎಂಬ ಚಿಂತೆಯಿದೆ. ಅದಕ್ಕಾಗಿ ಮನೆಗೆ ತೆಗೆದುಕೊಂಡು ಹೋಗುವುದಿಲ್ಲ ಎಂದು ಹೇಳಿಕೊಂಡಿದ್ದಾರೆ.
ಕಳೆದ ತಿಂಗಳು ಅಮಿತಾಭ್ ಬಚ್ಚನ್ ನನ್ನ ಕೋಸ್ಟರ್ ಎಂದು ಗೋಲ್ಡನ್ ರಿಟ್ರೀವರ್ ನಾಯಿಯ ಫೋಟೊ ಒಂದನ್ನು ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.