ಸೋನಮ್ ಕಪೂರ್ ಬರ್ತ್‌ಡೇ: ಪ್ರೀತಿಯ ಮಗಳಿಗೆ ಅನಿಲ್ ಕಪೂರ್ ಹಾರೈಕೆ
ಬೆಂಗಳೂರು: ಬಾಲಿವುಡ್‌ನ ಪ್ರಮುಖ ತಾರಾ ಕುಟುಂಬದ ಮಗಳು ಸೋನಮ್ ಕಪೂರ್ ಜೂನ್ 9ರಂದು ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ.
ನಟ ಅನಿಲ್ ಕಪೂರ್ ಮಗಳ ಜನ್ಮದಿನದ ಸಂದರ್ಭದಲ್ಲಿ ಇನ್‌ಸ್ಟಾಗ್ರಾಂ ಪೋಸ್ಟ್ ಮೂಲಕ ಶುಭಕೋರುವ ಜತೆಗೆ ಚಿಕ್ಕಂದಿನಲ್ಲಿ ಸೋನಮ್ ಹುಟ್ಟುಹಬ್ಬ ಆಚರಿಸಿಕೊಂಡ ಕ್ಷಣಗಳ ಫೋಟೊವನ್ನು ಹಂಚಿಕೊಂಡಿದ್ದಾರೆ.
ಸೋನಮ್ ಕಪೂರ್ ಬರ್ತ್‌ಡೇ ಕುರಿತು ಪೋಸ್ಟ್ ಜತೆಗೆ, ತನ್ನ ಹೃದಯವನ್ನು ಹಿಂಬಾಲಿಸುವ ಮತ್ತು ಕನಸುಗಳನ್ನು ಬೆನ್ನತ್ತುವ ಹುಡುಗಿ ನೀನು.. ಪಾಲಕರಾಗಿ ನಮಗೆ ನಿನ್ನ ಬೆಳವಣಿಗೆ ನೋಡಿ ಹೆಮ್ಮೆಯಿದೆ. ಒಳ್ಳೆಯದಾಗಲಿ ಎಂದು ಪ್ರೀತಿಯಿಂದ ಹಾರೈಸಿದ್ದಾರೆ.
ಪ್ರತಿ ವರ್ಷವೂ ಸೋನಮ್, ಕುಟುಂಬದ ಜತೆಗೆ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದರು. ಆದರೆ ಈ ಬಾರಿ ಸೋನಮ್ ಪತಿ ಆನಂದ್ ಜತೆಗೆ ಲಂಡನ್‌ನಲ್ಲಿದ್ದು, ಭಾರತಕ್ಕೆ ಬರಲು ಸಾಧ್ಯವಾಗಿಲ್ಲ.
ತಂದೆ ಮಾಡಿರುವ ಪೋಸ್ಟ್‌ಗೆ ಪ್ರತಿಕ್ರಿಯೆ ನೀಡಿರುವ ಸೋನಮ್, ಲವ್ ಯೂ ಸೋ ಮಚ್ ಡ್ಯಾಡಿ, ನಿಮ್ಮನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದು ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.