ಈಜುಕೊಳದಲ್ಲಿ ಕಾಣಿಸಿಕೊಂಡ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ

ಬೆಂಗಳೂರು: ಬಾಲಿವುಡ್ ನಟಿ, ಕ್ರಿಕೆಟಿಗ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಈಜುಕೊಳದಲ್ಲಿ ಇರುವ ಫೋಟೊ ಒಂದನ್ನು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಮುಖದ ತುಂಬಾ ನಗು ಹೊತ್ತಿರುವ ಅನುಷ್ಕಾ ಶರ್ಮಾ ಅವರ ಈ ಫೋಟೊಗೆ ಇನ್‌ಸ್ಟಾಗ್ರಾಂನಲ್ಲಿ 25 ಲಕ್ಷಕ್ಕೂ ಅಧಿಕ ಲೈಕ್ಸ್ ಬಂದಿದೆ.

ಚಿತ್ರಕ್ಕೆ ಅನುಷ್ಕಾ ಅವರು ಯಾವುದೇ ಅಡಿಬರಹ ನೀಡಿಲ್ಲ, ಬದಲಾಗಿ ಹಸಿರು ಎಲೆಯ ಎಮೋಜಿ ಒಂದನ್ನು ಅಷ್ಟೇ ಬಳಸಿದ್ದಾರೆ.

ದುಬೈ ಕ್ರಿಕೆಟ್ ಪಂದ್ಯಾವಳಿ ಬಳಿಕ ಅನುಷ್ಕಾ ಮತ್ತು ವಿರಾಟ್ ಕೊಹ್ಲಿ ದಂಪತಿ ಮುಂಬೈಗೆ ಮರಳಿದ್ದಾರೆ. ಜತೆಗೆ ಮಗಳು ವಮಿಕಾ ಕೂಡ ಇದ್ದಾಳೆ.

ಗರ್ಭಿಣಿಯಾಗಿದ್ದ ಸಂದರ್ಭದಲ್ಲಿ ದೇಹದಲ್ಲಿ ಉಂಟಾಗಿದ್ದ ಬದಲಾವಣೆ ಕುರಿತು ತುಂಬಾ ಚಿಂತಿತಳಾಗಿದ್ದೆ, ಆದರೆ ಈಗ ಮತ್ತೆ ಸಹಜ ಸ್ಥಿತಿಗೆ ಮರಳಿದ ಬಳಿಕ ಹಗುರವೆನಿಸುತ್ತಿದೆ ಎಂದು ಅನುಷ್ಕಾ ಇತ್ತೀಚೆಗೆ ಹೇಳಿಕೆ ನೀಡಿದ್ದರು.

ಡೆಲಿವರಿ ನಂತರ ನನ್ನ ದೇಹವನ್ನು ನಾನು ದ್ವೇಷಿಸಬಹುದಾ? ಎಂದು ಕಾಡಿತ್ತು: ಅನುಷ್ಕಾ

ಮುಂದೆ ವೆಬ್ ಸಿರೀಸ್‌ಗಳಲ್ಲಿ ತೊಡಗಿಸಿಕೊಳ್ಳುವ ಬಯಕೆಯನ್ನು ಅನುಷ್ಕಾ ಶರ್ಮಾ ಅವರು ವ್ಯಕ್ತಪಡಿಸಿದ್ದಾರೆ.