ಮಾನಸಿಕ ಆರೋಗ್ಯದ ಬಗ್ಗೆ ಜಾಗೃತಿ: ಅಮೀರ್ ಖಾನ್ ಮಗಳನ್ನು ಶ್ಲಾಘಿಸಿದ ಸಲ್ಮಾನ್

ಮುಂಬೈ: ಮಾನಸಿಕ ಆರೋಗ್ಯದ ಬಗ್ಗೆ ಜಾಗೃತಿ ಮೂಡಿಸಲು ಶ್ರಮಿಸುತ್ತಿರುವ ಬಾಲಿವುಡ್ ನಟ ಅಮೀರ್ ಖಾನ್ ಅವರ ಪುತ್ರಿ ಇರಾ ಅವರನ್ನು ನಟ ಸಲ್ಮಾನ್ ಖಾನ್ ಶ್ಲಾಘಿಸಿದ್ದಾರೆ.

ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಸಲ್ಮಾನ್, ‘ಕಮಾಲ್ ಹೈ ಯಾರ್ ಬಚ್ಚೆ ಬಡೇ ಹೋ ಗಯೇ, ಬಡೇ ಸ್ಟ್ರಾಂಗ್ ಹೋ ಗಯೇ ಹೈ ಔರ್ ಬಡೇ ಸಮೈದಾರ್ ಭೀ.... ನಿನ್ನ ಕೆಲಸ ಇಷ್ಟವಾಯಿತು.. ದೇವರು ನಿನಗೆ ಆಶೀರ್ವದಿಸಲಿ’ ಎಂದು ಬರೆದಿದ್ದಾರೆ.

ಅಮೀರ್ ಖಾನ್ ಮಗಳು ಇರಾ ಕೆಲ ವರ್ಷಗಳ ಹಿಂದೆ, ಅಗತ್ಸು ಫೌಂಡೇಶನ್ ಅನ್ನು ಸ್ಥಾಪಿಸಿದ್ದರು, ಇದು ಮಾನಸಿಕ ಆರೋಗ್ಯ ಸಂಬಂಧಿತ ಪೋಷಣೆ, ಜಾಗೃತಿ ಕಾರ್ಯಕ್ರಮಗಳು ಮತ್ತು ಮಾನಸಿಕ ಆರೋಗ್ಯ ಉತ್ತೇಜಿಸಲು ತರಬೇತಿ ನೀಡುವ ಗುರಿಯನ್ನು ಹೊಂದಿದೆ.

2021ರಲ್ಲಿ ಇರಾ ಅವರು ಸಾಮಾಜಿಕ ಮಾಧ್ಯಮ ಪೋಸ್ಟ್ ಮೂಲಕ ಈ ಫೌಂಡೇಶನ್ ಅನ್ನು ಪ್ರಾರಂಭಿಸುವುದಾಗಿ ಘೋಷಿಸಿದ್ದರು.

ನಾನು ಅಗತ್ಸು ಫೌಂಡೇಶನ್ ಎಂಬ ಕಂಪನಿಯನ್ನು ನೋಂದಾಯಿಸಿದ್ದೇನೆ, ಅದು ಇಂದು ಪ್ರಾರಂಭವಾಗುತ್ತದೆ ಎಂದು ಹೇಳಿದ್ದರು.

ಇರಾ ಈ ಹಿಂದೆ ಖಿನ್ನತೆಯ ಅನುಭವವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದರು, ಮಾನಸಿಕ ಆರೋಗ್ಯದ ಬಗ್ಗೆ ಜಾಗೃತಿ ಮೂಡಿಸಲು ಪ್ರಯತ್ನಿಸಿದ್ದರು.