Bangladesh Unrest: ನಟ ಶಾಂತೊ ಖಾನ್‌, ನಿರ್ಮಾಪಕ ಸಲೀಮ್ ಖಾನ್ ಹತ್ಯೆ

ಕೋಲ್ಕತ್ತ: ಬಾಂಗ್ಲಾದೇಶದಲ್ಲಿನ ಹಿಂಸಾಚಾರದಲ್ಲಿ ನಟ ಶಾಂತೊ ಖಾನ್‌ ಹಾಗೂ ಅವರ ತಂದೆ, ನಿರ್ಮಾಪಕ ಸಲೀಮ್ ಖಾನ್ ಅವರನ್ನು ಹತ್ಯೆ ಮಾಡಲಾಗಿದೆ.

ಪಶ್ಚಿಮ ಬಂಗಾಳದ ಚಿತ್ರೋದ್ಯಮದ ಸದಸ್ಯರು ಈ ಹತ್ಯೆಯನ್ನು ಖಚಿತಪಡಿಸಿದ್ದು ಘಟನೆ ಬಗ್ಗೆ ಆಘಾತ ವ್ಯಕ್ತಪಡಿಸಿದ್ದಾರೆ.

ಶಾಂತೊ ಖಾನ್‌ ಜೊತೆ ಕೆಲಸ ಮಾಡಿದ್ದ ಬಂಗಾಳದ ನಟರು ಹತ್ಯೆಯ ಕಾರಣಗಳ ಬಗ್ಗೆ ಪ್ರತಿಕ್ರಿಯಿಸಲು ನಿರಾಕರಿಸಿದ್ದು ಅವು ಬೇರೆ ದೇಶದ ಆಂತರಿಕ ವಿಷಯಗಳಾಗಿವೆ ಎಂದು ಹೇಳಿದ್ದಾರೆ. 

ಕಲೆ ಮತ್ತು ಸೃಜನಶೀಲತೆ ಮೇಲೆ ದಾಳಿ ನಡೆಯಬಾರದು. ಶಾಂತೊ ಖಾನ್‌ ಹಾಗೂ ಅವರ ತಂದೆಯನ್ನು ಕೊಲ್ಲಲಾಗಿದೆ ಎಂದು ತಿಳಿದು ನನಗೆ ದುಃಖವಾಗಿದೆ ಎಂದು ಬಂಗಾಳದ ನಟ ರಜತಾಭ ದತ್ತಾ ಹೇಳಿದರು.

ಹಲವು ಸಿನಿಮಾಗಳಲ್ಲಿ ಅವರು ನಟಿಸಿದ್ದರು. 2022ರಲ್ಲಿ ತೆರಕಂಡ ಬಿಕ್ಕೋವ್‌ ಚಿತ್ರ ಅವರ ಜನಪ್ರಿಯ ಸಿನಿಮಾವಾಗಿತ್ತು.