ವಿಡಿಯೊ ಸಂದರ್ಶನ: ಸಿನಿಮಾ ಬೇರೆ, ಸೋಷಿಯಲ್ ಮೀಡಿಯಾನೇ ಬೇರೆ– ದುನಿಯಾ ವಿಜಯ್‌

ಸ್ಯಾಂಡಲ್‌ವುಡ್‌ನಲ್ಲಿ ‘ದುನಿಯಾ’ ಚಿತ್ರದ ಮೂಲಕ ನಾಯಕ ನಟರಾಗಿ ತಮ್ಮ ಜರ್ನಿ ಪ್ರಾರಂಭಿಸಿದ ದುನಿಯಾ ವಿಜಯ್‌ ಅನೇಕ ಹಿಟ್‌ ಸಿನಿಮಾಗಳನ್ನು ಕೊಟ್ಟಿದ್ದಾರೆ. ‘ಸಲಗ’ ಚಿತ್ರದ ಮೂಲಕ ನಿರ್ದೇಶಕರಾಗಿಯೂ ಗುರುತಿಸಿಕೊಂಡಿರುವ ಅವರು ನಿರ್ದೇಶಿಸಿದ ಎರಡನೇ ಚಿತ್ರ ‘ಭೀಮ’. ನಾಯಕ ಮತ್ತು ನಿರ್ದೇಶಕ ಎರಡೂ ಪಾತ್ರವನ್ನು ಈ ಚಿತ್ರದಲ್ಲಿ ನಿಭಾಯಿಸುತ್ತಿರುವ ದುನಿಯಾ ವಿಜಯ್‌ ಅವರು ‘ಪ್ರಜಾವಾಣಿ’ ಜತೆ ತಮ್ಮ ಚಿತ್ರದ ಕುರಿತು ಮಾತನಾಡಿದ್ದಾರೆ. ಜೊತೆಗೆ, ಚಂದನವನಕ್ಕೆ ಬರುವ ಯುವ ಪ್ರತಿಭೆಗಳಿಗೆ ಕಿವಿಮಾತನ್ನೂ ಹೇಳಿದ್ದಾರೆ.