ಬಾಲಿವುಡ್ ನಟ ಟೈಗರ್ ಶ್ರಾಫ್ ನಟನೆಯ ಬಾಗಿ–4ಚಿತ್ರಕ್ಕೆ ಕನ್ನಡಿಗ ಎ.ಹರ್ಷ ನಿರ್ದೇಶನ

ಬೆಂಗಳೂರು: ಕನ್ನಡದಲ್ಲಿ ವೇದ, ಭಜರಂಗಿ, ಭಜರಂಗಿ –2 ಸಿನಿಮಾಗಳನ್ನು ನಿರ್ದೇಶಿಸಿರುವ ನಿರ್ದೇಶಕ ಎ.ಹರ್ಷ ಅವರು ತೆಲುಗು ಪ್ರಾಜೆಕ್ಟ್‌ ಬಳಿಕ ಈಗ ಬಾಲಿವುಡ್‌ಗೆ ಕಾಲಿಟ್ಟಿದ್ದಾರೆ. 

ಬಾಲಿವುಡ್‌ ನಟ ಟೈಗರ್ ಶ್ರಾಫ್‌ ನಟನೆಯ ‘ಬಾಗಿ–4’ ಚಿತ್ರಕ್ಕೆ ಹರ್ಷ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಈ ಚಿತ್ರ 2025ರ ಸೆಪ್ಟೆಂಬರ್‌ 5ಕ್ಕೆ ತೆರೆ ಕಾಣಲಿದೆ. ನಾಡಿಯಾಡ್ವಾಲಾ ಗ್ರ್ಯಾಂಡ್ಸ್ವನ್ ಎಂಟರ್ಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ ಸಿನಿಮಾ ನಿರ್ಮಾಣವಾಗುತ್ತಿದೆ.

ಈ ಬಗ್ಗೆ ಹರ್ಷ, ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಮ್‌ನಲ್ಲಿ ಸಿನಿಮಾ ಪೋಸ್ಟರ್‌ ಹಂಚಿಕೊಳ್ಳುವ ಮೂಲಕ ಸಿನಿಮಾ ಬಗ್ಗೆ ಬಿಗ್‌ ಅಪ್ಡೇಟ್‌ ನೀಡಿದ್ದಾರೆ.

2016ರಲ್ಲಿ ಬಾಗಿ ಚಿತ್ರ ಬಿಡುಗಡೆಯಾಗಿತ್ತು. ಇದನ್ನು ಸಬೀರ್ ಖಾನ್‌ ನಿರ್ದೇಶಿಸಿದ್ದರು. ಬಳಿಕ ಕ್ರಮವಾಗಿ 2018 ಮತ್ತು 2020ರಲ್ಲಿ ಬಾಗಿ–2 ಮತ್ತು ಬಾಗಿ –3 ಬಿಡುಗಡೆಯಾಗಿತ್ತು, ಇವೆರಡನ್ನೂ ಅಹಮದ್‌ ಖಾನ್‌ ನಿರ್ದೇಶಿಸಿದ್ದರು. ಈಗ ಬಾಗಿ–4 ಚಿತ್ರವನ್ನು ಕನ್ನಡದ ನಿರ್ದೇಶಕ ನಿರ್ದೇಶನ ಮಾಡುತ್ತಿದ್ದಾರೆ.

ಹರ್ಷ ತೆಲುಗಿನಲ್ಲಿ ಗೋಪಿಚಂದ್‌ ನಟನೆಯ ಭೀಮ ಸಿನಿಮಾವನ್ನು ನಿರ್ದೇಶಿಸಿದ್ದರು.