ಬಾಲಿವುಡ್‌ನ ಕಾಮಿಡಿ–ಹಾರರ್ ‘ಸ್ತ್ರೀ 2’ ಟ್ರೇಲರ್ ಬಿಡುಗಡೆ: ಆ.15ಕ್ಕೆ ತೆರೆಗೆ
ಬಾಲಿವುಡ್‌ನ ಮತ್ತೊಂದು ಕಾಮಿಡಿ–ಹಾರರ್ ಕಥಾ ಹಂದರವುಳ್ಳ ಸಿನಿಮಾ ‘ಸ್ತ್ರೀ–2’ ಬಿಡುಗಡೆ ಸಮೀಪಿಸಿದ್ದು ಚಿತ್ರದ ಟ್ರೇಲರ್ ಸದ್ದು ಮಾಡುತ್ತಿದೆ.
‘ಸ್ತ್ರೀ 2’
ಬೆಂಗಳೂರು: ಬಾಲಿವುಡ್‌ನ ಮತ್ತೊಂದು ಕಾಮಿಡಿ–ಹಾರರ್ ಕಥಾ ಹಂದರವುಳ್ಳ ಸಿನಿಮಾ ‘ಸ್ತ್ರೀ–2’ ಬಿಡುಗಡೆಗೆ ಸಜ್ಜಾಗಿದ್ದು ಚಿತ್ರದ ಟ್ರೇಲರ್ ಸದ್ದು ಮಾಡುತ್ತಿದೆ.
ನಿರ್ಮಾಪಕರು ಈ ಚಿತ್ರದ ಟ್ರೇಲರ್ ಅನ್ನು ಯೂಟ್ಯೂಬ್‌ನಲ್ಲಿ ಬಿಡುಗಡೆ ಮಾಡಿದ್ದು ಸಾಕಷ್ಟು ಗಮನ ಸೆಳೆದಿದೆ.
2018ರಲ್ಲಿ ಅಮರ್ ಕೌಶಿಕ್ ಅವರು ನಿರ್ದೇಶಿಸಿದ್ದ ‘ಸ್ತ್ರೀ’ ಸಿನಿಮಾದ ಸರಣಿಯೇ ಸ್ತ್ರೀ–2. ಅಮರ್ ಕೌಶಿಕ್ ಅವರೇ ಸ್ತ್ರೀ–2 ನಿರ್ದೇಶಿಸಿದ್ದು ಈ ಚಿತ್ರ ಆಗಸ್ಟ್ 15ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಹಿಂದಿ ಭಾಷೆಯಲ್ಲಿ ಮಾತ್ರ ನಿರ್ಮಾಣವಾಗಿದೆ.
ಜಿಯೋ ಸ್ಟುಡಿಯೋಸ್ ಅಡಿ ದಿನೇಶ್ ವಿಜನ್ ಹಾಗೂ ಜ್ಯೋತಿ ದೇಶಪಾಂಡೆ ಅವರು ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಸ್ತ್ರೀ ಮೊದಲ ಭಾಗದಲ್ಲಿ ಅಭಿನಯಿಸಿದ್ದ ಬಹುತೇಕ ಕಲಾವಿದರೇ ಇಲ್ಲಿಯೂ ಮೋಡಿ ಮಾಡಿದ್ದಾರೆ.
ಶ್ರದ್ಧಾ ಕಪೂರ್– ರಾಜಕುಮಾರ್ ರಾವ್, ಪಂಕಜ್ ತ್ರಿಪಾಟಿ ಅವರು ಮುಖ್ಯಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಮೆಜಾನ್ ಫ್ರೈಂಗೆ ಇದರ ಒಟಿಟಿ ಹಕ್ಕು ಮಾರಾಟವಾಗಿದೆ ಎನ್ನಲಾಗಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.