ಡೇಟಿಂಗ್‌ಗೂ ಟೈಮಿಲ್ಲ!
ಚಿತ್ರರಂಗದಲ್ಲಿ ನಾಲ್ಕು ವರ್ಷ ಪೂರೈಸಿರುವಭೂಮಿ ಪೆಡ್ನೇಕರ್‌ಗೆ ಡೇಟಿಂಗ್‌, ಲವ್ವೂ ಡವ್ವೀ ವಗೈರೆ ಇಷ್ಟವಂತೆ. ಆದರೆ ಟೈಮೇ ಇಲ್ವಂತೆ!
‘ಸೊನ್‌ಚಿಡಿಯಾ’ ಮಾರ್ಚ್ ಒಂದರಂದು ಬಿಡುಗಡೆಯಾಗಲಿದೆ. ಚಿತ್ರದಲ್ಲಿನ ಇಂದುಮತಿ ತೋಮರ್‌ ಪಾತ್ರದಲ್ಲಿ ಭೂಮಿ ಅತ್ಯುತ್ತಮ ಅಭಿನಯ ನೀಡಿದ್ದಾರೆ ಎಂಬುದು ನಿರ್ದೇಶಕರ ಅಭಿಪ್ರಾಯ. ಇನ್ನೂ ಐದು ಚಿತ್ರಗಳು ಒಂದಾದ ಮೇಲೊಂದು ಬಿಡುಗಡೆಯಾಗಲಿವೆ.
ಕರಣ್‌ ಜೋಹರ್‌ ನಿರ್ಮಾಣ ಮತ್ತು ನಿರ್ದೇಶನದ ಅದ್ದೂರಿ ಚಿತ್ರ ‘ತಖ್ತ್‌’ನಲ್ಲಿ ಭೂಮಿಯದು ಪ್ರಮುಖ ಪಾತ್ರ. ಹಿಂದೆಂದೂ ಕಾಣದಂತಹ ಅವತಾರದಲ್ಲಿ ಭೂಮಿಯನ್ನು ಈ ಚಿತ್ರದಲ್ಲಿ ಕಾಣಬಹುದಂತೆ. ಹೌದು! ಭೂಮಿ ಬ್ಯುಸಿಯಾಗಿದ್ದಾರೆ!ಅದಕ್ಕೇ, ಇಷ್ಟೊಂದು ಬ್ಯುಸಿಯಾಗಿರುವಾಗ ಪ್ರೀತಿ ಪ್ರೇಮಕ್ಕೆ ಎಲ್ಲಿಂದ ಸಮಯ ಹೊಂದಿಸಲಿ ಎಂದುಭೂಮಿ ಕೇಳಿದ್ದಾರೆ.
‘ದಮ್‌ ಲಗಾ ಹೈಶಾ’ ಚಿತ್ರದ ಮೂಲಕ ಬಾಲಿವುಡ್‌ಗೆ ಕಾಲಿಟ್ಟವರು ಭೂಮಿ. ಆಗ, ಚಿತ್ರದಲ್ಲಿನ ಧಡೂತಿ ವಧುವಿನ ಪಾತ್ರಕ್ಕಾಗಿ 12 ಕೆ.ಜಿ ತೂಕ ಹೆಚ್ಚಿಸಿಕೊಂಡಿದ್ದರು. ತಕ್ಷಣ ಅವರಿಗೆ ಹೊಸ ಅವಕಾಶಗಳು ಸಿಗಲಿಲ್ಲ. ಆದರೆ ವೈ ಫಿಲ್ಮ್ಸ್‌ ನಿರ್ಮಿಸಿದ ವೆಬ್‌ ಸರಣಿ ‘ಮ್ಯಾನ್ಸ್‌ ವರ್ಲ್ಡ್‌’ನಲ್ಲಿ ನಟಿಸಿದರು. ನಾಲ್ಕೇ ಸಂಚಿಕೆಗಳ ಕಿರು ಸರಣಿ ಅದಾಗಿತ್ತು.
‘ಟಾಯ್ಲೆಟ್‌: ಏಕ್‌ ಪ್ರೇಮ್‌ ಕಥಾ’ ಮತ್ತು ‘ಶುಭಮಂಗಲ್‌ ಸಾವಧಾನ್‌’ನಲ್ಲಿ ಬಿಗುಮಾನದ ಯುವತಿಯ ಪಾತ್ರದಲ್ಲಿ ಉತ್ತಮ ಅಭಿನಯದಿಂದ ಗುರುತಿಸಿಕೊಂಡರು.
ನಾಲ್ಕು ವರ್ಷಗಳಲ್ಲಿ ಹಲವು ಹಿಟ್‌ ಚಿತ್ರಗಳಲ್ಲಿ ನಟಿಸಿದ ಈ ಚೆಲುವೆ ಪ್ರಸಕ್ತ ವರ್ಷ ಮತ್ತು ಮುಂದಿನ ವರ್ಷಕ್ಕೂ ಸಾಕಾಗುವಷ್ಟು ಕಾಲ್‌ಶೀಟ್‌ ಕೊಟ್ಟಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.