ಚಿರಂಜೀವಿಗೆ ‘ಲೂಸಿಫರ್‌’ ಹಕ್ಕು
Published 16 ಅಕ್ಟೋಬರ್ 2019, 19:30 IST
ಚಿರಂಜೀವಿ
ಮಲಯಾಳಂನ ಯಶಸ್ವಿ ಸಿನಿಮಾ ‘ಲೂಸಿಫರ್‌’ ಹಕ್ಕನ್ನು ನಟ ಚಿರಂಜೀವಿ ಕೊಂಡುಕೊಂಡಿದ್ದಾರೆ.
ಮಲಯಾಳಂ ನಟ ಹಾಗೂ ನಿರ್ದೇಶಕ ಪೃಥ್ವಿರಾಜ್‌ ಸುಕುಮಾರನ್‌ ಈ ಕುರಿತು ಘೋಷಿಸಿದ್ದಾರೆ. ನಟ ಮೋಹನ್‌ಲಾಲ್ ಅವರ ಅಭಿನಯದ ಈ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ಸದ್ದು ಮಾಡಿತ್ತು. ಪೃಥ್ವಿರಾಜ್‌ ಈ ಚಿತ್ರದ ಮೂಲಕ ನಿರ್ದೇಶಕರಾಗಿ ಹೊರಹೊಮ್ಮಿದ್ದರು. ಬಾಲಿವುಡ್‌ ನಟ ವಿವೇಕ್‌ ಒಬೇರಾಯ್‌ ಕೂಡ ಅಭಿನಯಿಸಿದ್ದಾರೆ.
‘ಸೈರಾ ನರಸಿಂಹರೆಡ್ಡಿ ಸಿನಿಮಾದ ಪ್ರಮೋಷನ್‌ ವೇಳೆ ಚಿರಂಜೀವಿ ಅವರು ‘ಲೂಸಿಫರ್‌’ ಸಿನಿಮಾ ಬಗ್ಗೆ ಮಾತನಾಡಿದರು. ಬಳಿಕ ಅವರು ಈ ಚಿತ್ರದ ಹಕ್ಕು ಕೊಂಡುಕೊಳ್ಳುವುದಾಗಿ ಹೇಳಿದ್ದರು’ ಎಂದು ಪೃಥ್ವಿರಾಜ್‌ ಹೇಳಿದ್ದಾರೆ.
ಸತತವಾಗಿ ಮೂರು ಸಿನಿಮಾಗಳು ಹಿಟ್ ಆದ ಕಾರಣ ಸುಕುಮಾರ್‌ ಈಗ ಬ್ಯುಸಿಯಾಗಿದ್ದಾರೆ. ಅಲ್ಲು ಅರ್ಜುನ್ ಅವರ 20ನೇ ಚಿತ್ರವನ್ನು ಅವರು ನಿರ್ದೇಶಿಸಲಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.