ಚಿರಂಜೀವಿ ಸರ್ಜಾ– ಮೇಘನಾ ರಾಜ್‌ ಮಗುವಿಗೆ ನಾಳೆ ನಾಮಕರಣ
ಸಿಂಬಾ, ಶಿಷ್ಯ, ಮಿನಿಮಮ್‌, ಚಿಂಟು, ಬರ್ಫಿ, ಚಿರು, ಲಿಟಲ್‌ ಚಿರು, ಜ್ಯೂನಿಯರ್‌ ಚಿರು ಹೀಗೆ ದಿವಂಗತ ನಟ ಚಿರಂಜೀವಿ ಸರ್ಜಾ ಹಾಗೂ ಮೇಘನಾ ರಾಜ್‌ ಅವರ ಮಗುವನ್ನು ಹಲವು ಹೆಸರುಗಳಿಂದ ಕುಟುಂಬದ ಸದಸ್ಯರು ಹಾಗೂ ಚಿರು ಅಭಿಮಾನಿಗಳು ಕರೆಯುತ್ತಿದ್ದರು.
ಇದೀಗ ಜ್ಯೂ.ಚಿರುವಿನ ನಾಮಕರಣಕ್ಕೆ ದಿನ ನಿಗದಿಯಾಗಿದೆ. ಸೆ.3ರಂದು ನಾಮಕರಣ ನಡೆಯಲಿದೆ ಎಂದು ಮೇಘನಾ ರಾಜ್‌ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಮಾಹಿತಿ ನೀಡಿದ್ದಾರೆ. ವಿಡಿಯೊವೊಂದನ್ನು ಅಪ್‌ಲೋಡ್‌ ಮಾಡಿರುವ ಮೇಘನಾ, ‘ನಮ್ಮ ಲಿಟಲ್‌ ಪ್ರಿನ್ಸ್‌ಗೆ ಈಗೊಂದು ಹೆಸರು ನಿಗದಿಯಾಗಿದೆ. ನನ್ನನ್ನು ಭೇಟಿಯಾದ ಎಲ್ಲರೂ ಕೇಳಿತ್ತಿದ್ದದ್ದು ಒಂದೇ ಪ್ರಶ್ನೆ. ‘ಏನ್‌ ಹೆಸ್ರು ಜ್ಯೂನಿಯರ್‌ ದು’..ಕೊನೆಗೂ ರಾಜ ತನ್ನ ರಾಜಕುಮಾರನಿಗೆ ಹೆಸರು ನಿರ್ಧರಿಸಿದ್ದಾನೆ’ ಎಂದು ಉಲ್ಲೇಖಿಸಿದ್ದಾರೆ.
2020ರ ಜೂನ್‌ 7ರಂದುತೀವ್ರ ಹೃದಯಾಘಾತದಿಂದ ಚಿರಂಜೀವಿ ಸರ್ಜಾ ಮೃತಪಟ್ಟಿದ್ದರು.2020ರ ಅಕ್ಟೋಬರ್‌ 22ರಂದು ಗಂಡು ಮಗುವಿಗೆ ಮೇಘನಾ ಜನ್ಮನೀಡಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.