ಸೂರಿ ಲವ್ಸ್ ಸಂಧ್ಯಾ’ ಎಂದ ಅಭಿಮನ್ಯು

ಅಭಿಮನ್ಯು ಕಾಶಿನಾಥ್‌ ಹಾಗೂ ಅಪೂರ್ವ ಜೋಡಿಯಾಗಿ ನಟಿಸಿರುವ ‘ಸೂರಿ ಲವ್ಸ್ ಸಂಧ್ಯಾ’  ಚಿತ್ರದ ಟೀಸರ್‌ ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿದೆ. ಯಾದವ್‌ ರಾಜ್ ನಿರ್ದೇಶನದ ಚಿತ್ರವನ್ನು ಕೆ.ಟಿ. ಮಂಜುನಾಥ್ ನಿರ್ಮಾಣ ಮಾಡಿದ್ದಾರೆ.

‘ಚಿತ್ರದಲ್ಲಿ ದಿನಗೂಲಿ ನೌಕರನ ಪಾತ್ರ ಮಾಡಿದ್ದೇನೆ. ಮಿಡಲ್‌ಕ್ಲಾಸ್ ಹುಡುಗನ ಜೀವನದಲ್ಲಿ ಹುಡುಗಿಯೊಬ್ಬಳು ಬಂದಾಗ ಏನಾಗುತ್ತದೆ ಎಂಬುದೇ ಚಿತ್ರಕಥೆ. ಆತ ತನ್ನ ಲವ್‌ಗೋಸ್ಕರ ಫೈಟ್ ಮಾಡುತ್ತಾನೆ. ಮೈಸೂರು, ಕೋಲಾರ ಮತ್ತು ಕಾಶಿಯಲ್ಲಿ ಚಿತ್ರೀಕರಣ ಮಾಡಿದ್ದೇವೆ. ಕಾಶಿಯಲ್ಲಿ ನಡೆದ ಶೂಟಿಂಗ್ ಸ್ವಲ್ಪ ಕಷ್ಟವಾಗಿತ್ತು’ ಎಂದರು ಅಭಿಮನ್ಯು.

‘ದುಬೈನಲ್ಲಿ ನಡೆದ ಪ್ರೀಮಿಯರ್ ಷೋನಲ್ಲಿ ಉಪೇಂದ್ರ, ಪ್ರಿಯಾಂಕ ಉಪೇಂದ್ರ ಚಿತ್ರ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಇದೊಂದು ಟ್ರಾವೆಲಿಂಗ್‌ ಲವ್‌ಸ್ಟೋರಿ ರೀತಿಯ ಕಥೆ. ಸಿನಿಮಾದ ಎಲ್ಲ ಕೆಲಸ ಮುಗಿದು ಬಿಡುಗಡೆಗೆ ಸಿದ್ಧವಿದೆ. ಶೀಘ್ರದಲ್ಲಿ ಚಿತ್ರ ತೆರೆಗೆ ಬರಲಿದೆ’ಎಂದರು ನಿರ್ದೇಶಕರು. ಎಸ್.ಎನ್.ಅರುಣಗಿರಿ ಸಂಗೀತ ಈ ಚಿತ್ರಕ್ಕಿದೆ.