ರಜನಿಕಾಂತ್ ಅಭಿನಯದ ’ಕೂಲಿ‘ ಸಿನಿಮಾದ ದೃಶ್ಯ ಸೋರಿಕೆ: ನಿರ್ದೇಶಕ ಬೇಸರ

ಬೆಂಗಳೂರು: ರಜನಿಕಾಂತ್ ಅಭಿನಯದ ಕೂಲಿ ಸಿನಿಮಾದ ದೃಶ್ಯ ಲೀಕ್ ಆಗಿರುವುದಕ್ಕೆ ನಿರ್ದೇಶಕ ಲೋಕೇಶ್ ಕನಗರಾಜ್ ಬೇಸರ ವ್ಯಕ್ತಪಡಿಸಿದ್ದಾರೆ.

ರಜನಿಕಾಂತ್, ಅಕ್ಕಿನೇನಿ ನಾಗಾರ್ಜುನ, ಉಪೇಂದ್ರ ಅವರಂಥ ಸ್ಟಾರ್ ಕಲಾವಿದರು ನಟಿಸುತ್ತಿರುವ ಕೂಲಿ ಸಿನಿಮಾ ಇದಾಗಿದೆ. ನಟ ನಾಗಾರ್ಜುನ ಇರುವ ಕೆಲ ದೃಶ್ಯ ಹಾಗೂ ಫೋಟೊಗಳು ಲೀಕ್‌ ಆಗಿದ್ದವು.

ಇಂತಹ ಸೋರಿಕೆಯಿಂದ ಹಲವು ಜನರ ಎರಡು ತಿಂಗಳ ಶ್ರಮ ವ್ಯರ್ಥವಾಯಿತು. ಈ ರೀತಿಯ ಕೆಲಸ ಮಾಡಬೇಡಿ. ಇದು ಒಳ್ಳೆಯ ಅನುಭವವನ್ನು ನಾಶ ಮಾಡುತ್ತದೆ ಎಂದು ಲೋಕೇಶ್ ಕನಗರಾಜ್ ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಬರೆದುಕೊಂಡಿದ್ದಾರೆ.

ರಜನಿಕಾಂತ್ ಅವರು ಸದ್ಯ ‘ವೆಟ್ಟೈಯನ್’ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ.