19ನೇ ವಯಸ್ಸಿಗೆ 'ದಂಗಲ್' ನಟಿ ಸುಹಾನಿ ಭಟ್ನಾಗರ್‌ ನಿಧನ
ಸುಹಾನಿ ಭಟ್ನಾಗರ್‌
ನವದೆಹಲಿ: ಬಾಲಿವುಡ್‌ 'ದಂಗಲ್' ಸಿನಿಮಾದಲ್ಲಿ ನಟಿಸಿ ಖ್ಯಾತಿ ಪಡೆದಿದ್ದ ನಟಿ ಸುಹಾನಿ ಭಟ್ನಾಗರ್‌ ಶನಿವಾರ ನಿಧನರಾಗಿದ್ದಾರೆ.
ಸುಹಾನಿ ಭಟ್ನಾಗರ್‌ ಸಾವಿನ ಬಗ್ಗೆ ಅಮೀರ್ ಖಾನ್ ಪ್ರೊಡಕ್ಷನ್‌ ಹೌಸ್‌ ಖಚಿಪಡಿಸಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಅಮೀರ್ ಖಾನ್ ಪ್ರೊಡಕ್ಷನ್‌ ಹೌಸ್‌ ಸುಹಾನಿ ಭಟ್ನಾಗರ್‌ ನಿಧನ ಸುದ್ದಿಯ ಪೋಸ್ಟರ್‌ ಹಾಕಿದೆ.
ಅತಿ ಕಿರಿಯ ವಯಸ್ಸಿಗೆ (19 ವರ್ಷ) ಸುಹಾನಿ ಅನಾರೋಗ್ಯ ಕಾರಣಗಳಿಂದ ನಿಧನರಾಗಿರುವುದಕ್ಕೆ ಬಾಲಿವುಡ್‌ ಮಂದಿ ಕಂಬನಿ ಮಿಡಿದಿದ್ದಾರೆ.
ಸುಹಾನಿ ಭಟ್ನಾಗರ್‌ ಅವರಿಗೆ ಕೆಲವು ದಿನಗಳ ಹಿಂದೆ ಕಾಲಿಗೆ ಪೆಟ್ಟು ಬಿದ್ದಿತ್ತು. ದೆಹಲಿಯ ಏಮ್ಸ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು ಎನ್ನಲಾಗಿದೆ.
ಅಮೀರ್ ಖಾನ್ ನಟಿಸಿದ್ದ 'ದಂಗಲ್' (2016) ಸಿನಿಮಾದಲ್ಲಿ ಕುಸ್ತಿಪಟು ಬಬಿತಾ ಫೋಗಟ್ ಪಾತ್ರಕ್ಕೆ ಸುಹಾನಿ ಬಣ್ಣ ಹಚ್ಚಿದ್ದರು. ಈ ಸಿನಿಮಾದ ಬಳಿಕ ಅವರು ವೆಬ್‌ ಸಿರೀಸ್‌ ಸೇರಿದಂತೆ ಅನೇಕ ಟಿವಿ ಜಾಹೀರಾತುಗಳಲ್ಲಿಯೂ ನಟಿಸಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.