ಡಗ್ಸ್ ಪ್ರಕರಣದಲ್ಲಿ ಕೇಳಿ ಬರುತ್ತಿದೆ ದೀಪಿಕಾ ಪಡುಕೋಣೆ ಹೆಸರು

ನಟ ಸುಶಾಂತ್ ಸಿಂಗ್ ರಜಪೂತ್‌ ಸಾವಿನ ನಂತರ ಬೆಳಕಿಗೆ ಬಂದ ಡ್ರಗ್ಸ್ ಪ್ರಕರಣವು ದಿನಕ್ಕೊಂದು ತಿರುವು ಪಡೆದುಕೊಳ್ಳುತ್ತಿದೆ. ಅಲ್ಲದೇ ಈ ಪ್ರಕರಣದಲ್ಲಿ ದಿನಕ್ಕೊಂದು ಸಿನಿತಾರೆಯರ ಹೆಸರು ಹೊರ ಬರುತ್ತಿದೆ.

ಸದ್ಯದ ಸುದ್ದಿಯ ಪ್ರಕಾರ ನಟಿ ದೀಪಿಕಾ ಪಡುಕೋಣೆ ಹೆಸರು ಕೂಡ ಈ ಪ್ರಕರಣದೊಂದಿಗೆ ತಳುಕು ಹಾಕಿಕೊಂಡಿದೆ ಎನ್ನಲಾಗುತ್ತಿದೆ. ಈ ಕುರಿತು ಎನ್‌ಸಿಬಿ ತನಿಖೆ ಚುರುಕುಗೊಂಡಿದ್ದು ವಾಟ್ಸ್‌ಆ್ಯಪ್‌ ಸಂದೇಶದ ಆಧಾರದ ಮೇಲೆ ಈ ಆರೋಪ ಕೇಳಿ ಬರುತ್ತಿದೆ. ಈ ಸಂದೇಶದಲ್ಲಿ ದೀಪಿಕಾ ‘ಕೆ’ ಎಂಬ ಹೆಸರಿನ ವ್ಯಕ್ತಿಯ ಜೊತೆ ‘ಮಾಲ್‌’, ‘ಹ್ಯಾಷ್‌’ ಕೇಳಿ ಸಂದೇಶ ಕಳುಹಿಸಿದ್ದರು. ದೀಪಿಕಾ ಮ್ಯಾನೇಜರ್ ಕರೀಷ್ಮಾ ಪ್ರಕಾಶ್ ಅವರ ಹೆಸರು ಈ ಚಾಟ್‌ನಲ್ಲಿ ಕೇಳಿ ಬಂದಿದ್ದು ಎನ್‌ಸಿಬಿ ವಿಚಾರಣೆಗೆ ಕರೆದಿದ್ದಾರೆ ಎನ್ನಲಾಗುತ್ತಿದೆ.

ದೀಪಿಕಾ ಹಾಗೂ ಕರೀಷ್ಮಾ ನಡುವಿನ ಚಾಟ್ 2017ರ ಅಕ್ಟೋಬರ್ 28 ರಂದು ನಡೆದಿದೆ.