‘ಅಪಘಾತ’ಕ್ಕೊಳಗಾದ ದಿಗಂತ್‌!

‘ಎಡಗೈಯೇ ಅಪಘಾತಕ್ಕೆ ಕಾರಣ’ ಸಿನಿಮಾತಂಡವು ‘ದೂದ್‌ಪೇಢ’ ದಿಗಂತ್‌ ಅವರ ಜನ್ಮದಿನದಂದು ಚಿತ್ರದ ಹೊಸ ಕ್ಯಾರೆಕ್ಟರ್‌ ಪೋಸ್ಟರ್‌ ಬಿಡುಗಡೆ ಮಾಡಿದೆ.

ದಿಗಂತ್ ಅವರು ಇಲ್ಲಿಯವರೆಗೂ ಚಾಕೊಲೇಟ್ ಬಾಯ್ ರೀತಿ ಇದ್ದರು. ರೊಮ್ಯಾಂಟಿಕ್ ಹೀರೊ ದಿಗಂತ್‌ ಈ ಸಿನಿಮಾದಲ್ಲಿ ಸಂಪೂರ್ಣವಾಗಿ ವಿಭಿನ್ನ ಪಾತ್ರದಲ್ಲಿ ಕಾಣಸಿಗಲಿದ್ದಾರೆ ಎಂದಿದೆ ಚಿತ್ರತಂಡ. ಎಡಗೈ ಬಳಸುವ ಜನರ ಕಥೆಹೊತ್ತ ಈ ಸಿನಿಮಾದಲ್ಲಿ ಎಡಗೈಯನ್ನೇ ಹೆಚ್ಚು ಬಳಸುವ ಜನರು ಅನುಭವಿಸುವ ಸಮಸ್ಯೆ, ಸಂಕಷ್ಟದ ಸರಮಾಲೆಯೇ ಇದೆ.

ಚಿತ್ರದ ಚಿತ್ರೀಕರಣ ಕೊನೆಯ ಹಂತದಲ್ಲಿದ್ದು, ಜನವರಿ ಕೊನೆಯಲ್ಲಿ ಚಿತ್ರೀಕರಣ ಪೂರ್ಣಗೊಳ್ಳಲಿದೆ. ಸಮರ್ಥ್ ಬಿ. ಕಡಕೊಳ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಚೊಚ್ಚಲ ಸಿನಿಮಾ ಇದಾಗಿದೆ.