ಕುಟುಂಬದ ಚಿತ್ರ ಹಂಚಿಕೊಂಡ: ನಟಿ ಸೋಹಾ ಅಲಿ ಖಾನ್
ಮುಂಬೈ: ಬಾಲಿವುಡ್‌ ನಟಿ ಸೋಹಾ ಅಲಿ ಖಾನ್ ಅವರು ತಮ್ಮ ಕುಟುಂಬದ ಜೊತೆಗಿನ ಫೋಟೊವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಚಿತ್ರದಲ್ಲಿ ಕರೀನಾ ಕಪೂರ್ ಖಾನ್, ಸೈಫ್ ಅಲಿ ಖಾನ್, ಶರ್ಮಿಳಾ ಟಾಗೋರ್, ಇಬ್ರಾಹಿಂ, ತೈಮೂರ್, ಜೆಹ್ ಮತ್ತು ಇನಾಯಾ ಇದ್ದಾರೆ.
ಆದರೆ ಕಾರಣಾಂತರಗಳಿಂದ ಸೈಫ್ ಅವರ ಸಹೋದರಿ ಸಬಾ ಮತ್ತು ಮಗಳು ಸಾರಾ ಅಲಿ ಖಾನ್ ಚಿತ್ರದಲ್ಲಿ ಕಾಣಿಸಿಕೊಂಡಿಲ್ಲ. ಕುಟುಂಬವು ಡೈನಿಂಗ್ ಟೇಬಲ್‌ನಲ್ಲಿ ಕುಳಿತು ಪೋಸ್ ನೀಡುತ್ತಿರುವುದನ್ನು ಕಾಣಬಹುದು.
ಚಿತ್ರದೊಂದಿಗೆ ‘ ಹೆಮ್ಮೆಯ ಕ್ಷಣ’ ಎಂದು ಬರೆದುಕೊಂಡಿರುವ ಸೋಹಾ ಅವರು ಸಬಾ ಹಾಗೂ ಸಾರಾ ಇಲ್ಲದಿರುವುದನ್ನೂ ಉಲ್ಲೇಖಿಸಿದ್ದಾರೆ.
ಇದಕ್ಕೆ ಸೋಹಾ ಅವರ ಸಹೋದರಿ ಸಬಾ ಅಲಿ ಖಾನ್ ಲವ್ಲೀ, ಶೀಘ್ರದಲ್ಲೇ ನಿಮ್ಮನ್ನು ಭೇಟಿ ಮಾಡುತ್ತೇವೆ ಎಂದು ಪ್ರತಿಕ್ರಿಯಿಸಿದ್ದಾರೆ.
ಶರ್ಮಿಳಾ ಅವರು 'ಗುಲ್ಮೊಹರ್' ಚಿತ್ರದಲ್ಲಿ ಮನೋಜ್ ಬಾಜಪೇಯಿ ಅವರೊಂದಿಗೆ ನಟಿಸುತ್ತಿದ್ದಾರೆ. ಸೈಫ್ ಅವರು ಪ್ರಭಾಸ್‌ ಅಭಿನಯದ 'ಆದಿಪುರುಷ್' ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಕಾದಂಬರಿ ಆಧಾರಿತ ಸಿನಿಮಾ 'ದಿ ಡಿವೋಷನ್ ಆಫ್ ಸಸ್ಪೆಕ್ಟ್ ಎಕ್ಸ್' ಹಾಗೂ 'ದಿ ಕ್ರ್ಯೂ' ಸಿನಿಮಾಗಳಲ್ಲಿ ಕರೀನಾ ನಟಿಸುತ್ತಿದ್ದಾರೆ
ಇವನ್ನೂ ಓದಿ: ’ಶಾಕುಂತಲಂ’ ಚಿತ್ರ ಬಿಡುಗಡೆ ದಿನಾಂಕ ಬದಲಾವಣೆ
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.