Krrish 4: ಮತ್ತೆ ತೆರೆಯ ಮೇಲೆ ಸೂಪರ್ ಹೀರೊ ಅವತಾರದಲ್ಲಿ ಹೃತಿಕ್ ರೋಷನ್
ಬೆಂಗಳೂರು: ಸೂಪರ್ ಹೀರೊ ಪಾತ್ರದ ಮೂಲಕ ಕ್ರಿಶ್ ಸರಣಿ ಚಿತ್ರಗಳಲ್ಲಿ ಮಿಂಚಿದ್ದ ನಟ ಹೃತಿಕ್ ರೋಷನ್ ಮತ್ತೊಮ್ಮೆ ತೆರೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಕ್ರಿಶ್ ಚಿತ್ರಕ್ಕೆ 15 ವರ್ಷ ತುಂಬಿದ ಬೆನ್ನಲ್ಲೇ ಹೃತಿಕ್ ರೋಷನ್, ಕ್ರಿಶ್ 4 ಸಿನಿಮಾ ಕುರಿತು ಘೋಷಿಸಿದ್ದಾರೆ.
ಈಗಾಗಲೇ ಕ್ರಿಶ್ ಸರಣಿಯಲ್ಲಿ ಮೂರು ಚಿತ್ರಗಳು ಬಂದಿವೆ. ಸೂಪರ್ ಹೀರೋ ಪಾತ್ರದಲ್ಲಿ ನಟಿಸಿರುವ ಹೃತಿಕ್ ರೋಷನ್, ಈ ಬಾರಿಯೂ ನಾಯಕನ ಪಾತ್ರದಲ್ಲಿ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ.
ಕ್ರಿಶ್ 4 ಕುರಿತು ಕಿರು ವಿಡಿಯೊ ಒಂದನ್ನು ಹಂಚಿಕೊಂಡಿರುವ ಹೃತಿಕ್ ರೋಷನ್, ಭವಿಷ್ಯದಲ್ಲಿ ಏನಾಗುವುದೋ ಕಾದು ನೋಡೋಣ ಎಂದಿದ್ದಾರೆ.
ಹೃತಿಕ್ ರೋಷನ್ ತಂದೆ ರಾಕೇಶ್ ರೋಶನ್ ಈ ಮೊದಲು ಬಿಡುಗಡೆಯಾದ ಕ್ರಿಶ್ ಸರಣಿ ಚಿತ್ರಗಳನ್ನು ನಿರ್ದೇಶಿಸಿದ್ದರು.
ಕ್ರಿಶ್ ಚಿತ್ರ 15 ವರ್ಷ ಪೂರೈಸಿದ ಸಂಭ್ರಮವನ್ನು ನಟಿ ಪ್ರಿಯಾಂಕ ಚೋಪ್ರಾ ಕೂಡ ಟ್ವೀಟ್ ಮೂಲಕ ಹಂಚಿಕೊಂಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.