ಕಾರ್ತಿ ಸಿನಿಮಾದಲ್ಲಿ ಜ್ಯೋತಿಕಾ
![10/10/2012 - CHENNAI: Actress Jyothika at the launch of Lakshmi Sarees - Express Photo by R Satish Babu. [Tamil Nadu, Kollywood, Actress, Jyothika, Film Stars, Chennai]ಜ್ಯೋತಿಕಾ](https://images.prajavani.net/prajavani/import/sites/pv/files/article_images/2019/07/16/file6yyp18osnnotbo54mnh1563282361.jpg)
ತಮಿಳು ನಟಿ, ನಟ ಸೂರ್ಯ ಪತ್ನಿ ಜ್ಯೋತಿಕಾ ಅವರು ಸದ್ಯದಲ್ಲೇ ‘ಪಾಪನಾಶಂ’ ಚಿತ್ರ ಖ್ಯಾತಿಯ ನಿರ್ದೇಶಕ ಜೀತು ಜೋಸೆಫ್‌ ಅವರ ಚಿತ್ರದಲ್ಲಿ ಅಭಿನಯಿಸಲಿದ್ದಾರೆ.
ಈ ಚಿತ್ರದಲ್ಲಿ ಅವರ ಮೈದುನ ಕಾರ್ತಿ ಜೊತೆ ಅಭಿನಯಿಸಲಿದ್ದಾರೆ. ಈ ಚಿತ್ರವನ್ನು ಸೂರ್ಯನ ಹೋಮ್‌ ಬ್ಯಾನರ್‌ 2ಡಿ ಎಂಟರ್‌ಟೇನ್‌ಮೆಂಟ್‌ ನಿರ್ಮಾಣ ಮಾಡಲಿದ್ದು, ಚಿತ್ರಕ್ಕೆ ’ಪೊನ್‌ ಮಗಳ್‌ ವಂದಾಳ್‌’ ಎಂದು ಹೆಸರಿಡಲಾಗಿದೆ.
ಈ ಚಿತ್ರದ ವಿಶೆಷತೆಯೆಂದರೆ, ಪ್ರಸಿದ್ಧ ನಿರ್ದೇಶಕರಾದ ಭಾರತಿರಾಜ, ಕೆ. ಭಾಗ್ಯರಾಜ್‌ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಲಿದ್ದಾರಂತೆ. ‘96’ ಸಿನಿಮಾಕ್ಕೆ ಸಂಗೀತ ನಿರ್ದೇಶನ ಮಾಡಿದ ಗೋವಿಂದ್‌ ವಸಂತ ಈ ಚಿತ್ರಕ್ಕೂ ಸಂಗೀತ ನಿರ್ದೇಶನ ಮಾಡಲಿದ್ದಾರೆ.
ಇದೇ ವೇಳೆ ಮತ್ತೊಂದು ಚಿತ್ರಕ್ಕೂ ಜ್ಯೋತಿಕಾ ಸಹಿ ಮಾಡಿದ್ದು, ಜೆಜೆ ಫ್ರೆಡೆರಿಕ್‌ ನಿರ್ದೇಶನದ ಚಿತ್ರದಲ್ಲಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.