‘ತೇಜಸ್‌’ನಲ್ಲಿ ಕಂಗನಾ ಪೈಲಟ್‌
ಫಸ್ಟ್ ಲುಕ್‌ ಬಿಡುಗಡೆ
ತಮಿಳುನಾಡು ಮಾಜಿ ಮುಖ್ಯಮಂತ್ರಿ ದಿವಂಗತ ಜಯಲಲಿತಾ ಅವರ ಜೀವನಾಧಾರಿತ ‘ತಲೈವಿ’ ಸಿನಿಮಾ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿರುವ ‘ಕ್ವೀನ್‌’ ಖ್ಯಾತಿಯ ಬಾಲಿವುಡ್‌ ನಟಿ ಕಂಗನಾ ರನೌತ್‌, ಈಗ ಭಾರತೀಯ ವಾಯುಪಡೆಯ ಪೈಲಟ್‌ ಧಿರಿಸಿನಲ್ಲಿ ಕಾಣಿಸಿಕೊಂಡು, ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದ್ದಾರೆ.
ಅದು ‘ತೇಜಸ್‌’ ಹೆಸರಿನ ಸಿನಿಮಾದ ಪೋಸ್ಟರ್‌. ಈ ಸಿನಿಮಾದಲ್ಲಿ ಕಂಗನಾ ವಾಯುಪಡೆ ಪೈಲಟ್‌ ಆಗಿ ಅಭಿನಯಿಸಲಿದ್ದಾರೆ. ‘ಟೀಮ್ಸ್ ಕಂಗನಾ ರನೌತ್‌’ ಸಾಮಾಜಿಕ ಈ ಪೋಸ್ಟರ್‌ ಅನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಂಡಿದೆ. ಈ ಮೂಲಕಕಂಗನಾ ಮುಂದಿನ ಚಿತ್ರವನ್ನು ಬಹಿರಂಗಪಡಿಸಿದೆ.
‘ಸಮವಸ್ತ್ರ ಧರಿಸಿ ದೇಶಕ್ಕಾಗಿ ಹಲವು ತ್ಯಾಗಗಳನ್ನು ಮಾಡುತ್ತಿರುವ ಧೈರ್ಯವಂತ ಮತ್ತು ಸದೃಢ ಮಹಿಳೆಯರಿಗಾಗಿ...ಕಂಗಾನ ಮುಂದಿನ ಚಿತ್ರ ತೇಜಸ್‌ನಲ್ಲಿ ವಾಯುಪಡೆ ಪೈಲಟ್‌ ಆಗಿ ಅಭಿನಯಿಸಲಿದ್ದಾರೆ’ ಎಂದು ಇನ್‌ಸ್ಟಾಗ್ರಾಮ್‌ನಲ್ಲಿ ಪ್ರಕಟಿಸಿಕೊಂಡಿದೆ. ಆರ್‌ಎಸ್‌ವಿಪಿ ಮೂವೀಸ್‌ ಚಿತ್ರ ನಿರ್ಮಾಣ ಮಾಡುತ್ತಿದೆ.
ಭಾರತೀಯ ವಾಯುಪಡೆಯ ಪೈಲಟ್‌ ರೀತಿಯ ಸಮವಸ್ತ್ರ ಧರಿಸಿರುವ ಕಂಗನಾ, ಯುದ್ಧ ವಿಮಾನದ ಮುಂದೆ ನಡೆದು ಬರುತ್ತಿರುವಂತೆ ಪೋಸ್ಟರ್‌ ವಿನ್ಯಾಸ ಮಾಡಲಾಗಿದೆ. ಸರ್ವೇಶ್ ಮೇವಾರಾ ‘ತೇಜಸ್‌’ ನಿರ್ದೇಶಿಸುತ್ತಿದ್ದು, 2021ರ ಏಪ್ರಿಲ್‌ನಲ್ಲಿ ಬಿಡುಗಡೆಗೆ ಯೋಜನೆ ರೂಪಿಸಲಾಗಿದೆ.
ಈಗ ಬಿಡುಗಡೆಯಾಗಿರುವ ‘ಪಂಗಾ’ ಸಿನಿಮಾದಲ್ಲಿಕಂಗನಾ ಉತ್ತಮವಾಗಿ ಅಭಿನಯಿಸಿದ್ದರೂಹಣ ಗಳಿಕೆಯಲ್ಲಿ ಸೋತಿತು. ಪ್ರಸ್ತುತ ಕಂಗನಾ ಚೈನ್ನೈನಲ್ಲಿ ತಲೈವಿ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಸಿನಿಮಾದಲ್ಲಿ ಭರತನಾಟ್ಯ ನೃತ್ಯದ ಚಿತ್ರೀಕರಣದ ಸಂದರ್ಭದಲ್ಲಿನ ಕಂಗನಾ ಚಿತ್ರಗಳು ವೈರಲ್‌ ಆಗಿದ್ದವು. ತಮಿಳುನಾಡಿನ ಮುಖ್ಯಮಂತ್ರಿ ಹಾಗೂ ನಟನಾಗಿದ್ದ ಎಂ.ಜಿ.ರಾಮಚಂದ್ರನ್‌ ಅವರ ಪಾತ್ರದಲ್ಲಿ ಅರವಿಂದ್‌ ಸ್ವಾಮಿ ಅಭಿನಯಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.