ಶಿವಮೊಗ್ಗದಲ್ಲಿ ಹತ್ಯೆಯಾದ ಹರ್ಷ ಕುಟುಂಬಕ್ಕೆ ₹25,000 ಸಹಾಯ ಮಾಡುವೆ ಎಂದ ಪ್ರಥಮ್‌

ಬೆಂಗಳೂರು: ಶಿವಮೊಗ್ಗದಲ್ಲಿ ಹತ್ಯೆಯಾದ ಬಜರಂಗ ದಳದ ಕಾರ್ಯಕರ್ತ ಹರ್ಷ ಅವರ ಕುಟುಂಬಕ್ಕೆ ₹25 ಸಾವಿರ ನೆರವು ನೀಡುವುದಾಗಿ ನಟ ಪ್ರಥಮ್‌ ಹೇಳಿದ್ದಾರೆ.

ಈ ಕುರಿತು ಟ್ವೀಟ್‌ ಮಾಡಿರುವ ಅವರು, ‘ಅಲ್ಲಾಹು ಅಕ್ಬರ್ ಕೂಗಿದ್ರೆ ₹5 ಲಕ್ಷ ಕೊಡ್ತಾರಂತೆ. ನನ್ನ ಹತ್ತಿರ ಅಷ್ಟೆಲ್ಲಾ ದುಡ್ಡಿಲ್ಲ. ‘ನಟಭಯಂಕರ’ ಸಿನಿಮಾದಿಂದ ಸಾಲದಲ್ಲಿದ್ದೀನಿ. ಸದ್ಯಕ್ಕೆ ₹25 ಸಾವಿರ ಕೊಡುವುದಕ್ಕಷ್ಟೇ ಸಾಧ್ಯ. ನನ್ನ ಹತ್ತಿರ ದುಡ್ಡಿದ್ದಿದ್ರೆ ಖಂಡಿತಾ ಇನ್ನಷ್ಟು ಪ್ರಯತ್ನ ಮಾಡ್ತಿದ್ದೆ. ನನ್ನ ಬಳಿ ದುಡ್ಡಿದ್ದಿದ್ರೆ ಖಂಡಿತವಾಗಿಯೂ ₹1 ಲಕ್ಷ ಕೊಡ್ತಿದ್ದೆ. ಹರ್ಷ ಕುಟುಂಬಕ್ಕೆ ದಯವಿಟ್ಟು ಕೈಲಾದಷ್ಟು ಸಹಾಯ ಮಾಡಿ’ ಎಂದಿದ್ದಾರೆ.