ವಿಜಯ್‌ ರಾಘವೇಂದ್ರ – ಹರ್ಷಿಕಾ ಪೂಣಚ್ಚ ಅಭಿನಯದ ‘ಕಾಸಿನ ಸರ’ ಡಬ್ಬಿಂಗ್‌ ಜೋರು

ವಿಜಯ್‌ ರಾಘವೇಂದ್ರ – ಹರ್ಷಿಕಾ ಪೂಣಚ್ಚ ಅಭಿನಯದ ‘ಕಾಸಿನ ಸರ’ ಚಿತ್ರದ ಡಬ್ಬಿಂಗ್‌ ಭರ್ಜರಿಯಾಗಿಯೇ ಸಾಗಿದೆ. ಚಾಮುಂಡೇಶ್ವರಿ ಸ್ಟುಡಿಯೋದಲ್ಲಿ ರೈತವಿರೋಧಿ ಕಂಪನಿಯೊಂದರ ವಿರುದ್ಧ ಜೋರಾಗಿಯೇ ಧಿಕ್ಕಾರ ಕೂಗುವ ಸನ್ನಿವೇಶದ ಧ್ವನಿಮುದ್ರಣ ನಡೆಯಿತು. ಎಸ್‌.ಜಿ. ಸಿದ್ದರಾಮಯ್ಯ,ಉಮಾಶ್ರೀ,ನೀನಾಸಂ ಅಶ್ವಥ್, ಸಂಗೀತಾ, ಸುಧಾ ಬೆಳವಾಡಿ, ಹನುಮಂತೇಗೌಡ, ಮಂಡ್ಯ ರಮೇಶ್, ಮೀನಪ್ರಕಾಶ್ ತಾರಾಗಣದಲ್ಲಿದ್ದಾರೆ.

ಸಹಕಾರ ಸಚಿವ ಎಸ್.ಟಿ. ಸೋಮಶೇಖರ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ನೇಟಿವ್ ಕ್ರಿಯೇಷನ್ಸ್ ಲಾಂಛನದಲ್ಲಿ ಈ. ದೊಡ್ಡನಾಗಯ್ಯ ಈ ಚಿತ್ರ ನಿರ್ಮಿಸಿದ್ದಾರೆ. ಎನ್.ಆರ್. ನಂಜುಂಡೇಗೌಡ ನಿರ್ದೇಶಕರು. ಎಚ್.ಸಿ. ವೇಣು ಛಾಯಾಗ್ರಹಣ, ಶ್ರೀಧರ್ ಸಂಭ್ರಮ್ ಸಂಗೀತ, ಸುರೇಶ್ ಅರಸ್ ಸಂಕಲನ, ಸಂಭಾಷಣೆ ಎಸ್. ಜಿ. ಸಿದ್ದರಾಮಯ್ಯ ಅವರದ್ದು.