ಕೆಜಿಎಫ್‌ –2: ಅಂದು ಧೀರ ಧೀರ ಈಗ ರಣ ರಣ ಧೀರ...

ಕೆಜಿಎಫ್‌ ಚಿತ್ರದಲ್ಲಿ ಧೀರ ಧೀರ ಧೀರ ಧೀರ ಈ ಸುಲ್ತಾನಾ... ಹಾಡು ಕೇಳಿರಬಹುದು. ಈ ಹಾಡು ಚಿತ್ರದ ಸಿಗ್ನೇಚರ್‌ ಗೀತೆಯಂತೆಯೇ ಇತ್ತು. ಕೆಜಿಎಫ್‌ ಚಾಪ್ಟರ್‌ 2ನಲ್ಲಿ ಈಗ ಅದೇ ಸಾಹಿತ್ಯವನ್ನು ಸ್ವಲ್ಪ ಬದಲಾಯಿಸಿ ‘ಸುಲ್ತಾನ’ ಬಂದಿದ್ದಾನೆ.

ರಣ ರಣ ರಣ ರಣ ರಣ ಧೀರ ರುಧಿರೆಬ್ಬಿ ನಿಂತ ರಣ ಧೀರ ಲಿರಿಕಲ್‌ ಹಾಡು ಲಹರಿ ಆಡಿಯೋದ ಯುಟ್ಯೂಬ್‌ ಚಾನೆಲ್‌ನಲ್ಲಿ ಬಿಡುಗಡೆಯಾಗಿದೆ.

ಬುಧವಾರ ಬೆಳಿಗ್ಗೆ ಬಿಡುಗಡೆಯಾಗಿರುವ ಈ ಹಾಡನ್ನು ಲಕ್ಷಾಂತರ ಜನ ವೀಕ್ಷಿಸಿ ಮೆಚ್ಚುಗೆ ಸೂಚಿಸಿದ್ದಾರೆ. ಚಿತ್ರತಂಡಕ್ಕೆ ಶುಭಹಾರೈಸಿದ್ದಾರೆ.

ಧೀರ ಧೀರ... ಹಾಡಿನ ಜಾಡಿನಲ್ಲೇ ಇರುವ ಹೊಸ ಹಾಡು ಸ್ವಲ್ಪ ಧಾಟಿ ಬದಲಾಯಿಸಿದೆ. ರಾಕಿಂಗ್‌ ಸ್ಟಾರ್‌ ಯಶ್‌ ನಟನೆಯ ಈ ಚಿತ್ರ ಏ. 14ರಂದು ಐದು ಭಾಷೆಗಳಲ್ಲಿ ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ.