ಅಮೆಜಾನ್‌ ಪ್ರೈಂನಲ್ಲಿ ಜೂನ್‌ 3ರಿಂದ ಕೆ.ಜಿ.ಎಫ್‌ ಚಾಪ್ಟರ್‌–2
ಬಾಕ್ಸ್‌ ಆಫೀಸ್‌ನಲ್ಲಿ ದೂಳೆಬ್ಬಿಸಿದ ಯಶ್‌ ನಟನೆಯ, ಪ್ರಶಾಂತ್‌ ನೀಲ್‌ ನಿರ್ದೇಶನದ ಪ್ಯಾನ್‌ ಇಂಡಿಯಾ ಸಿನಿಮಾ ಕೆ.ಜಿ.ಎಫ್‌ ಚಾಪ್ಟರ್‌–2, ಜೂನ್‌ 3ರಿಂದ ಒಟಿಟಿ ವೇದಿಕೆ ಅಮೆಜಾನ್‌ ಪ್ರೈಂನಲ್ಲಿ ಉಚಿತವಾಗಿ ವೀಕ್ಷಣೆಗೆ ಲಭ್ಯವಾಗಲಿದೆ.
ಕೆಲವು ದಿನಗಳ ಹಿಂದೆಯೇ ಸಿನಿಮಾ ಅಮೆಜಾನ್‌ ಪ್ರೈಂನಲ್ಲಿ ಬಿಡುಗಡೆಯಾಗಿತ್ತು. ಆದರೆ, ಪ್ರೈಂ ಚಂದಾದಾರರಾಗಿದ್ದರೂ ಈ ಸಿನಿಮಾ ವೀಕ್ಷಿಸಲು ಹಣ ಪಾವತಿಸಬೇಕಿತ್ತು. ಜೂನ್‌ 3ರಿಂದ ಚಂದಾದಾರರು ಉಚಿತವಾಗಿ ಈ ಸಿನಿಮಾ ನೋಡಬಹುದು.
ಕಳೆದ ಏ.14ರಂದು ವಿಶ್ವದ 10 ಸಾವಿರಕ್ಕೂ ಅಧಿಕ ಪರದೆಗಳಲ್ಲಿ ತೆರೆಕಂಡಿದ್ದ ಕೆ.ಜಿ.ಎಫ್‌ ಚಾಪ್ಟರ್‌–2 ಭಾರತದಲ್ಲೇ ಮೊದಲ ದಿನ ₹134.5 ಕೋಟಿ ಬಾಚಿತ್ತು. ಕಲೆಕ್ಷನ್‌ ವಿಚಾರದಲ್ಲಿ ವಿಶ್ವವ್ಯಾಪಿ ದಾಖಲೆ ಬರೆದಿರುವ ಈ ಸಿನಿಮಾ, ಇಲ್ಲಿಯವರೆಗೂ ಒಟ್ಟು ₹1,200 ಕೋಟಿ ಬಾಚಿದೆ. ಉತ್ತರ ಭಾರತದಲ್ಲೇ ಈ ಸಿನಿಮಾದ ಕಲೆಕ್ಷನ್‌ ₹430 ಕೋಟಿ ದಾಟಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.