ಬಾಲಿವುಡ್ ಪುಳಕದಲ್ಲಿ ಕೃತಿ

ಕನ್ನಡದ ‘ಗೂಗ್ಲಿ’ ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ನಟಿ ಕೃತಿ ಕರಬಂಧ ಈಗ ಬಾಲಿವುಡ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಈ ವರ್ಷ ಅವರ ಕೈಯಲ್ಲಿ ಮೂರು ದೊಡ್ಡ ಹಿಂದಿ ಸಿನಿಮಾಗಳಿವೆ.

‘ಪಾಗಲ್‌ಪಂತಿ’ ಮತ್ತು ‘ಹೌಸ್‌ಫುಲ್ 4’ ಸಿನಿಮಾದಲ್ಲಿ ದೊಡ್ಡ ನಟರ ಜತೆಗೆ ಕೃತಿ ಅಭಿನಯಿಸುತ್ತಿದ್ದಾರೆ. ಈ ನಡುವೆ ಬಿಗ್ ಬಿ ಅಮಿತಾಭ್ ಬಚ್ಚನ್ ಜೊತೆಗೆ ‘ಚೆಹೆರೆ’ ಸಿನಿಮಾದಲ್ಲೂ ಕೃತಿ ನಟಿಸುವ ಅವಕಾಶ ಪಡೆದಿದ್ದಾರೆ. ಬಿಗ್‌ಬಿ ಜೊತೆ ಅಭಿನಯಿಸುವುದೇ ರೋಮಾಂಚನ. ಅವರೊಂದಿಗೆ ಕ್ಯಾಮೆರಾ ಎದುರಿಸುವ ಖುಷಿಗಿಂತ ಮತ್ತೊಂದಿಲ್ಲ ಎನ್ನುತ್ತಾರೆ ಕೃತಿ. ಇದುವೆರೆಗೂ ಅಭಿನಯಿಸದ ಪಾತ್ರದಲ್ಲಿ ಈ ಸಿನಿಮಾದಲ್ಲಿ ಮಾಡುತ್ತಿರುವುದಾಗಿ ಕೃತಿ ಹೇಳಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಇಮ್ರಾನ್ ಹಶ್ಮಿ, ಕೃತಿಗೆ ಜೋಡಿಯಾಗಿದ್ದಾರೆ.