ಹಾರರ್‌ ಥ್ರಿಲ್ಲರ್‌ನಲ್ಲಿ ಮಂಜು ವಾರಿಯರ್‌
Published 18 ಡಿಸೆಂಬರ್ 2019, 8:49 IST
ಮಂಜು ವಾರಿಯರ್‌
ಕಲಾತ್ಮಕ ಮತ್ತು ಪ್ರೇಮಕತೆಯ ಚಿತ್ರಗಳಲ್ಲಿ ನಟಿಸಿದ್ದ ಮಾಲಿವುಡ್‌ ಬೆಡಗಿ ಮಂಜು ವಾರಿಯರ್‌ಇದೇ ಮೊದಲ ಬಾರಿಗೆ ಹಾರರ್‌ ಥ್ರಿಲ್ಲರ್‌ ಸಿನಿಮಾದಲ್ಲಿ ನಟಿಸಲು ಸಿದ್ಧತೆ ನಡೆಸಿದ್ದಾರೆ.
ನಟ ಸನ್ನಿ ವೇಯ್ನ್‌ ಜತೆ ಮಂಜು ವಾರಿಯರ್‌ ನಟಿಸಲಿರುವ ಈ ಚಿತ್ರದ ಹೆಸರು ಇನ್ನೂ ನಿರ್ಧಾರವಾಗಿಲ್ಲ. ಜಿಸ್‌ ಟಾಮ್ಸ್‌ ಮೂವೀಸ್‌ ನಿರ್ಮಿಸಲಿರುವ ಈ ಚಿತ್ರಕ್ಕೆ ರಂಜಿತ್ ಕಮಲ್‌ ಶಂಕರ್‌ ಮತ್ತು ಸಲೀಲ್‌ ವಿ. ಆ್ಯಕ್ಷನ್‌ ಕಟ್‌ ಹೇಳಲಿದ್ದಾರೆ.
ನಟ ಮೋಹನ್‌ ಲಾಲ್‌ ಜತೆ ಮಲಯಾಳ ಚಿತ್ರ ‘ಲೂಸಿಫರ್‌‘ ಮತ್ತು ಧನುಷ್‌ ಜತೆ ತಮಿಳಿನ ‘ಅಸುರನ್‌’ ಚಿತ್ರ ದೊಡ್ಡ ಮಟ್ಟದ ಯಶಸ್ಸು ಗಳಿಸಿವೆ. ಬಾಕ್ಸ್ ಆಫೀಸ್‌ನಲ್ಲಿ ಒಳ್ಳೆಯ ಹಣವನ್ನೂ ಗಳಿಸಿವೆ. ರೋಶನ್‌ ಅಂಡ್ರ್ಯೂನಿರ್ದೇಶನದ ‘ಪ್ರದಿಪೂವನ್‌ಕೊಯಿ’ ಚಿತ್ರದಲ್ಲೂ ಮಂಜು ವಾರಿಯರ್‌ ಕಾಣಿಸಿಕೊಳ್ಳಲಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.