ಹಾಡು ಕೇಳಿ: ನಾಳೆಯಿಂದ ಎಣ್ಣೆ ಬುಟ್ಬುಡ್ತೀನಿ, ಒಂದಿನಾ ಲಾಸ್ಟ್‌ ಕುಡ್ದುಬುಡ್ತಿನಿ

ಬೆಂಗಳೂರು: ಎಣ್ಣೆ ಗಾಯಕ ಎಂದೇ ಖ್ಯಾತರಾಗಿರುವ ನವೀನ್‌ ಸಜ್ಜು ಮತ್ತೆ ಎಣ್ಣೆ ಬಾಟ್ಲಿ ಹಿಡ್ಕೊಂಡು ನಾಳೆಯಿಂದ ಎಣ್ಣೆ ಕುಡಿಯೊದಿಲ್ಲ ಎಂದು ಹೇಳುತ್ತಿದ್ದಾರೆ.

ಹೊಸ ವರ್ಷದ ಹೊಸ್ತಿಲಲ್ಲಿನವೀನ್ ಸಜ್ಜು ಸಾಹಿತ್ಯ ಬರೆದು ಸಂಗೀತ ನೀಡಿರುವ 'ನಾಳೆಯಿಂದ ಎಣ್ಣೆ ಬುಟ್ಬುಡ್ತೀನಿ' ಮ್ಯೂಸಿಕ್ ವಿಡಿಯೊ ಯುಟ್ಯೂಬ್‌ನಲ್ಲಿ ಬಿಡುಗಡೆಯಾಗಿದೆ. ಬಿಡುಗಡೆಯಾಗಿ ಎರಡು ದಿನಗಳಲ್ಲಿ ಮೂರು ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೊವನ್ನು ವೀಕ್ಷಣೆ ಮಾಡಿದ್ದಾರೆ.

ಈ ವಿಡಿಯೊದಲ್ಲಿ ನವೀನ್‌ ಸಜ್ಜು ಅವರೇ ಕಾಣಿಸಿಕೊಂಡಿದ್ದಾರೆ. ಈ ಹಾಡು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ದುನಿಯಾ ವಿಜಯ್‌ ಅಭಿನಯದ ಕನಕ ಚಿತ್ರದ ‘ಎಣ್ಣೆ ನಮ್ದು.. ಊಟ ನಿಮ್ದು..‘ ಹಾಡು ಸಾಕಷ್ಟು ಜನಪ್ರಿಯವಾಗಿತ್ತು.