ಸಮಂತಾ ಜತೆ ವಿಚ್ಛೇದನದ ಬಳಿಕ ಮತ್ತೆ ಸಾಮಾಜಿಕ ತಾಣಕ್ಕೆ ಮರಳಿದ ನಾಗ ಚೈತನ್ಯ
ಬೆಂಗಳೂರು: ದಕ್ಷಿಣ ಭಾರತ ಚಿತ್ರರಂಗದಲ್ಲಿ ಚರ್ಚೆಗೆ ಗ್ರಾಸವಾಗಿದ್ದ ನಾಗ ಚೈತನ್ಯ- ಸಮಂತಾ ರುತ್ ಪ್ರಭು ವಿಚ್ಛೇದನಪ್ರಸಂಗ ಮುಗಿದು ತಿಂಗಳುಗಳೇ ಕಳೆದಿದೆ.
ಈ ಸಂದರ್ಭದಲ್ಲಿ ಸಮಂತಾ, ಸಾಮಾಜಿಕ ತಾಣದಲ್ಲಿ ಸಕ್ರಿಯರಾಗಿದ್ದರೆ, ನಟ ನಾಗ ಚೈತನ್ಯ ಮಾತ್ರ ಇನ್‌ಸ್ಟಾಗ್ರಾಂ ಮತ್ತು ಇತರ ಸಾಮಾಜಿಕ ತಾಣಗಳಿಂದ ದೂರ ಉಳಿದಿದ್ದರು.
ಈಗ ಮತ್ತೆ ನಾಗ ಚೈತನ್ಯ ಅವರು ಇನ್‌ಸ್ಟಾಗ್ರಾಂಗೆ ಮರಳಿದ್ದಾರೆ. ವಿಚ್ಛೇದನ ಬಳಿಕ ಅವರು ಟ್ವಿಟರ್ ಬಳಕೆ ಮಾಡಿದ್ದು ಬಿಟ್ಟರೆ, ಅಭಿಮಾನಿಗಳ ಜತೆ ಸಂವಹನಕ್ಕಾಗಿ ಇನ್‌ಸ್ಟಾಗ್ರಾಂ ಬಳಸುತ್ತಿರಲಿಲ್ಲ.
ಮ್ಯಾಥ್ಯೂ ಮೆನಾಘ್ ಅವರ ಗ್ರೀನ್‌ಲೈಟ್ಸ್ ಪುಸ್ತಕದ ಫೋಟೊ ಒಂದನ್ನು ನಾಗ ಚೈತನ್ಯ ಅವರು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಜೀವನಕ್ಕಾಗಿ ಒಂದು ಪ್ರೀತಿಯ ಪತ್ರ, ನಿಮ್ಮ ಜೀವನಕಥೆ ನನಗೂ ದಾರಿದೀಪವಾಗಿದೆ ಎಂದು ನಾಗ ಚೈತನ್ಯ ಅವರು ತಮ್ಮ ಪೋಸ್ಟ್‌ಗೆ ಅಡಿಬರಹ ನೀಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.