ಪಂಚಾಮೃತ: ತಮಿಳು ಚಿತ್ರ ನಿರ್ದೇಶಕನ ಬಂಧನ, ಬಿಡುಗಡೆ

ತಿರುಚಿರಾಪಳ್ಳಿ (ಪಿಟಿಐ): ಪಳನಿಯ ಮುರುಗನ್ ದೇಗುಲದ ಪ್ರಸಾದ ಪಂಚಾಮೃತದ ಬಗ್ಗೆ ಹೇಳಿಕೆ ನೀಡಿದ್ದಕ್ಕಾಗಿ, ತಮಿಳು ಚಲನಚಿತ್ರ ನಿರ್ದೇಶಕ ಮೋಹನ್ ಜಿ., ಅವರನ್ನು ಬಂಧಿಸಲಾಗಿದ್ದು, ನ್ಯಾಯಾಲಯವು ಜಾಮೀನಿನ ಮೇಲೆ ಬಿಡುಗಡೆ ಮಾಡಿದೆ.

ಶಾಂತಿ ಹಾಗೂ ನೆಮ್ಮದಿಯನ್ನು ಕದಡಿದ ಆರೋಪದ ಮೇಲೆ ಪೊಲೀಸರು ಮೋಹನ್‌ ಅವರನ್ನು  ಬಂಧಿಸಿ, ನ್ಯಾಯಾಲಯಕ್ಕೆ ಮಂಗಳವಾರ ಹಾಜರುಪಡಿಸಿದ್ದರು.

‘ಪಂಚಾಮೃತ ಪ್ರಸಾದದ ಕುರಿತಂತೆ ಮೋಹನ್ ಆರೋಪಿಸಿದ್ದಕ್ಕೆ, ಎಚ್ಚರಗೊಳ್ಳಬೇಕಿದ್ದ ಅಧಿಕಾರಿಗಳು ಹಾಗೂ ಪೊಲೀಸರು ಅವರನ್ನೇ ಬಂಧಿಸಿದ್ದಾರೆ. ಇದು ಅನ್ಯಾಯ’ ಎಂದು ಪಿಎಂಕೆ ಸಂಸ್ಥಾಪಕ ಎಸ್‌. ರಾಮದಾಸ್‌ ಯೂಟ್ಯೂಬ್‌ ಚಾನಲ್‌ವೊಂದಕ್ಕೆ ತಿಳಿಸಿದ್ದಾರೆ.