ಗಂಧದಗುಡಿ ಟಿಕೆಟ್ ದರ ಇಳಿಕೆ

ಬೆಂಗಳೂರು: ‘ಗಂಧದಗುಡಿ’ ಸಿನಿಮಾ ಟಿಕೆಟ್‌ ದರವನ್ನು ನ.7ರಿಂದ 10ರ ವರೆಗೆ ಇಳಿಕೆ ಮಾಡಲಾಗಿದ್ದು, ಹೊಸ ದರ ₹ 56 ( ಸಿಂಗಲ್‌ ಸ್ಕ್ರೀನ್‌) ಹಾಗೂ ₹ 112 (ಮಲ್ಟಿಪ್ಲೆಕ್ಸ್‌) ಆಗಿದೆ ಎಂದು ಅಶ್ವಿನಿ ಪುನೀತ್‌ ರಾಜ್‌ಕುಮಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

‘ಗಂಧದಗುಡಿ ಸಿನಿಮಾ ಪುನೀತ್‌ ರಾಜ್‌ಕುಮಾರ್‌ ಅವರ ಕನಸು. ರಾಜ್ಯದ ವನ್ಯ ಸಂಪತ್ತು ಹಾಗೂ ಪ್ರಕೃತಿ ಸೌಂದರ್ಯವನ್ನು ಕನ್ನಡಿಗರಿಗೆ ಪರಿಚಯಿಸುವ ಹಂಬಲ ಈ ಸಿನಿಮಾ ತಂಡದ್ದು. ಎಲ್ಲ ಕನ್ನಡಿಗರೂ ಹಾಗೂ ಮಕ್ಕಳು ಈ ಚಿತ್ರ ವೀಕ್ಷಣೆ ಮಾಡಬೇಕೆಂಬ ಉದ್ಧೇಶದಿಂದ ವಿತರಕರು ಹಾಗೂ ಪ್ರದರ್ಶಕರ ಸಹಕಾರದಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ. ರಾಜ್ಯದಾದ್ಯಂತ ದಿನದ ಎಲ್ಲ ಪ್ರದರ್ಶನಕ್ಕೂ ಇದು ಅನ್ವಯವಾಗಲಿದೆ’ ಎಂದು ತಿಳಿಸಿದ್ದಾರೆ.