ಪುಷ್ಪ–2 ಚಿತ್ರ ಬಿಡುಗಡೆ ದಿನಾಂಕ ಮತ್ತೆ ಬದಲು: ಡಿ.5 ಕ್ಕೆ ಸಿನಿಮಾ ತೆರೆಗೆ

ಚೆನ್ನೈ: ಅಲ್ಲು ಅರ್ಜುನ್‌, ರಶ್ಮಿಕಾ ಮಂದಣ್ಣ ನಟನೆಯ ಬಹುನಿರೀಕ್ಷಿತ ‘ಪುಷ್ಪ–2’ ಚಿತ್ರ ಇದೇ ಡಿಸೆಂಬರ್‌ 5 ರಂದು ತೆರೆಕಾಣುತ್ತಿದೆ. 

ಅಲ್ಲು ಅರ್ಜುನ್‌ ಸಿಗರೇಟ್‌, ಗನ್‌ ಹಿಡಿದು ನಿಂತಿರುವ ಪೋಸ್ಟರ್‌ ಹಂಚಿಕೊಳ್ಳುವ ಮೂಲಕ ಸಿನಿಮಾ ಬಿಡುಗಡೆಯಾಗುವ ದಿನಾಂಕ ಘೋಷಿಸಲಾಗಿದೆ. 

ನಿರ್ದೇಶಕ ಸುಕುಮಾರ್​ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿದ್ದು, ತೆಲುಗು, ಹಿಂದಿ, ಕನ್ನಡ, ತಮಿಳು, ಮಲಯಾಳಂ, ಬೆಂಗಾಲಿ ಭಾಷೆಗಳಲ್ಲಿ ಜಗತ್ತಿನಾದ್ಯಂತ ‘ಪುಷ್ಪ 2’ ಸಿನಿಮಾ ಬಿಡುಗಡೆಯಾಗುತ್ತಿದೆ.

ಈ ಹಿಂದೆ ಹಲವು ಬಾರಿ ಸಿನಿಮಾದ ಬಿಡುಗಡೆ ದಿನಾಂಕವನ್ನು ಚಿತ್ರತಂಡ ಮುಂದೂಡಿತ್ತು. ಕೆಲ ದಿನಗಳ ಹಿಂದೆ ಡಿ.6 ರಂದು ಸಿನಿಮಾ ತೆರೆ ಕಾಣಲಿದೆ ಎಂದು ಹೇಳಿತ್ತು. ಆದರೆ ಈಗ ಒಂದು ದಿನ ಮುಂಚಿತವಾಗಿ ಡಿ.5ರಂದೆ ಸಿನಿಮಾ ಬಿಡುಗಡೆಗೆಯಾಗುವುದಾಗಿ ಚಿತ್ರತಂಡ ಹೇಳಿದೆ.