ಕಾಂಡೋಮ್ ಹಿಡಿದು ಬಂದ ನಟಿ ರಾಕುಲ್ ಪ್ರೀತ್ ಸಿಂಗ್!
ಬೆಂಗಳೂರು: ಬಾಲಿವುಡ್‌ನಲ್ಲಿ ಸದ್ಯ ಬಹುಬೇಡಿಕೆ ನಟಿಯಾಗಿ ಬೆಳೆಯುತ್ತಿರುವ ನಟಿ ರಾಕುಲ್ ಪ್ರೀತ್ ಸಿಂಗ್ ಅವರಿಗೆ ಸಾಲು ಸಾಲು ಚಿತ್ರಗಳು ಅರಸಿ ಬರುತ್ತಿವೆ. 31ರ ಈ ಚೆಲುವೆ ಚಿತ್ರರಂಗದಲ್ಲಿ ಕೇವಲ ತನ್ನ ಸೌಂದರ್ಯವಷ್ಟೇ ಅಲ್ಲದೇ ಹಲವು ವಿಭಿನ್ನ ಪಾತ್ರಗಳ ಮೂಲಕ ಗಮನ ಸೆಳೆಯುತ್ತಿದ್ದಾರೆ.
ಇದೀಗ ತಮ್ಮ ‘ಛತ್ರಿವಾಲಿ‘ ಎಂಬ ಹೊಸ ಸಿನಿಮಾ ಘೋಷಣೆ ಮಾಡಿರುವ ರಾಕುಲ್, ಆ ಸಿನಿಮಾದ ಮೊದಲ ನೋಟವನ್ನು ಇಂದು ಸಾಮಾಜಿಕ ಜಾಲತಾಣಗಳಲ್ಲಿ ಅನಾವರಣಗೊಳಿಸಿದ್ದಾರೆ. ಛತ್ರಿವಾಲಿಯಲ್ಲಿ ರಾಕುಲ್ ಪ್ರೀತ್ ಸಿಂಗ್ ಪಾತ್ರ ಕಂಡು ಬಹುತೇಕರು ಅವಕ್ಕಾಗಿದ್ದಾರೆ.
ಈ ಚಿತ್ರದಲ್ಲಿ ರಾಕುಲ್ ಕಾಂಡೋಮ್ ಹಿಡಿದು ಬಂದಿದ್ದಾರೆ. ಅಂದರೆ, ಕಾಂಡೋಮ್ ಪರೀಕ್ಷೆ ಮಾಡುವ ಒಬ್ಬ ಮಾರಾಟ ಪ್ರತಿನಿಧಿಯಾಗಿ ಅವರು ಕಾಣಿಸಿಕೊಂಡಿದ್ದಾರೆ. ಇದು ಸಕತ್ ವೈರಲ್ ಆಗುತ್ತಿದೆ. ತಮ್ಮ ಈ ಪಾತ್ರದ ಬಗ್ಗೆ 'ನಾನು ಕಾತರಕ್ಕೆಒಳಗಾಗಿದ್ದೇನೆ' ಎಂದು ರಾಕುಲ್ ಹೇಳಿಕೊಂಡಿದ್ದಾರೆ.
ಇನ್ನು ಈ ಚಿತ್ರವನ್ನು ತೇಜಸ್ ಪ್ರಭಾ ವಿಜಯ್ ಡಿಯೋಸ್ಕರ್ ನಿರ್ದೇಶಿಸುತ್ತಿದ್ದಾರೆ. ಇದೊಂದು ರೋಮ್ಯಾಂಟಿಕ್ ಕಾಮಿಡಿ ಸಿನಿಮಾ ಎಂದು ಹೇಳಲಾಗುತ್ತಿದೆ. ಖ್ಯಾತ ನಿರ್ಮಾಪಕ ರೋನಿ ಅವರ ಆರ್‌ಎಸ್‌ವಿಪಿ ಫ್ರೊಡಕ್ಸನ್ ಸಂಸ್ಥೆ ಅಡಿ ಈ ಚಿತ್ರ ನಿರ್ಮಾಣವಾಗುತ್ತಿದೆ.
'ರಸಾಯನಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಓದಿದ ಯುವತಿಯೊಬ್ಬಳು ಎಲ್ಲಿಯೂ ಉದ್ಯೋಗ ಸಿಗದಿದ್ದಾಗ ಸಣ್ಣ ನಗರವೊಂದರಲ್ಲಿ ಕಾಂಡೋಮ್ ಟೆಸ್ಟರ್ ಆಗಿ ಹೇಗೆಲ್ಲಾ ಕೆಲಸ ಮಾಡುತ್ತಾಳೆ ಎನ್ನುವ ಕಥೆಯನ್ನು ಛತ್ರಿವಾಲಿ ಹೊಂದಿದೆ. ಈ ಪಾತ್ರಕ್ಕೆ ರಾಕುಲ್ ನ್ಯಾಯ ಒದಗಿಸುತ್ತಾರೆ ಎನ್ನುವ ಸಂಪೂರ್ಣ ನಂಬಿಕೆ ನನಗಿದೆ.ರಾಕುಲ್ ಯಾವಾಗಲೂ ವಿಭಿನ್ನ ಪಾತ್ರಗಳಿಗೆ ತೆರೆದುಕೊಳ್ಳುತ್ತಾರೆ' ಎಂದು ನಿರ್ದೇಶಕ ಡಿಯೋಸ್ಕರ್ ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.