ಅನುರಾಗ್ ಕಶ್ಯಪ್‌ಗೆ ಆರ್‌ಜಿವಿ ಬೆಂಬಲ
ಲೈಂಗಿಕ ಕಿರುಕುಳ ಆರೋಪ ಎದುರಿಸುತ್ತಿರುವ ನಿರ್ದೇಶಕ ಅನುರಾಗ್ ಕಶ್ಯಪ್ ಪರವಾಗಿ ನಿಂತಿದ್ದಾರೆ ನಿರ್ದೇಶಕ ರಾಮ್‌ಗೋಪಾಲ್ ವರ್ಮಾ. ಟ್ವೀಟರ್‌ನಲ್ಲಿ ಅನುರಾಗ್ ಪರ ಮಾತನಾಡಿದ್ದಾರೆ ಆರ್‌ಜಿವಿ.
‘ನನಗೆ ತಿಳಿದಿರುವ ಹಾಗೆ ಅನುರಾಗ್ ತುಂಬಾ ಸೂಕ್ಷ್ಮ ಮನಸ್ಸಿನ, ಭಾವನಾತ್ಮಕ ವ್ಯಕ್ತಿತ್ವ ಹೊಂದಿರುವವರು. ಅವರು 20 ವರ್ಷಗಳಿಂದ ನನಗೆ ಪರಿಚಯ. ಇಷ್ಟು ವರ್ಷಗಳಲ್ಲಿ ಅವರು ಬೇರೆಯವರನ್ನು ನೋಯಿಸಿದ ಉದಾಹರಣೆಯನ್ನು ನಾನು ಎಂದೂ ನೋಡಿಲ್ಲ, ಕೇಳೂ ಇಲ್ಲ. ಇಲ್ಲಿ ಈಗ ಏನು ನಡೆಯುತ್ತಿದೆ ಎಂಬುದನ್ನು ಸ್ವಷ್ಟವಾಗಿ ಹೇಳಲು ಸಾಧ್ಯವಾಗುತ್ತಿಲ್ಲ’ ಎಂದು ಟ್ವೀಟ್ ಮಾಡಿದ್ದಾರೆ ರಾಮ್‌ಗೋಪಾಲ್ ವರ್ಮಾ.
‘ಪಟೇಲ್ ಕಿ ಪಂಜಾಬಿ ಶಾದಿ’ ಖ್ಯಾತಿಯ ನಟಿ ಪಾಯಲ್ ಘೋಷ್ ಅನುರಾಗ್ ಕಶ್ಯಪ್ ಮೇಲೆ ಮೀ ಟೂ ಆರೋಪ ಹೊರಿಸಿದ್ದರು. ಇದಕ್ಕೆ ಪ್ರತಿಕ್ರಿಯೆಯಾಗಿ ಆರ್‌ಜಿವಿ ಟ್ವೀಟ್ ಮಾಡಿದ್ದಾರೆ.
ಪಾಯಲ್ ಆರೋಪದ ನಂತರ ನಿರ್ಮಾಪಕರಾದ ಹನ್ಸಲ್ ಮೆಹ್ತಾ, ವಸನ್ ಬಾಲ ಹಾಗೂ ಅನುಭವ್ ಸಿಹ್ನಾ ಸೇರಿದಂತೆ ಅನೇಕ ಬಾಲಿವುಡ್‌ ಮಂದಿ ಅನುರಾಗ್ ಬೆಂಬಲಕ್ಕೆ ನಿಂತಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.