ಜೋಧ್‌ಪುರದಲ್ಲಿ ಜತೆಯಾಗಿ ಕಾಣಿಸಿಕೊಂಡ ರಣ್‌ಬೀರ್-ಆಲಿಯಾ: ಮದುವೆಗೆ ಸಿದ್ಧತೆ?
ಬೆಂಗಳೂರು: ಬಾಲಿವುಡ್‌ನ ಪ್ರೇಮ ಪಕ್ಷಿಗಳು ಎಂದೇ ಕರೆಯಿಸಿಕೊಳ್ಳುತ್ತಿರುವ ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಜೋಡಿ ಶೀಘ್ರದಲ್ಲೇ ಮದುವೆಯಾಗುತ್ತಿದ್ದಾರೆ ಎಂದ ಸುದ್ದಿ ಹರಿದಾಡುತ್ತಿದೆ.
ಅದರ ಬೆನ್ನಲ್ಲೇ ರಣಬೀರ್-ಆಲಿಯಾ ಜತೆಯಾಗಿ ರಾಜಸ್ಥಾನದ ಜೋಧ್‌ಪುರ್‌ಗೆ ತೆರಳಿದ್ದಾರೆ.
ಜೋಧ್‌ಪುರದಲ್ಲಿ ಅರಮನೆಗಳಿದ್ದು, ಸಾಂಪ್ರದಾಯಿಕ ಶೈಲಿಯ ಮತ್ತು ಅದ‌್ಧೂರಿ ವಿವಾಹಕ್ಕೆ ಹೆಚ್ಚು ಪ್ರಶಸ್ತವಾದ ತಾಣಗಳಿವೆ. ಹೀಗಾಗಿ ಮದುವೆಗೆ ಸೂಕ್ತ ಸ್ಥಳ ನೋಡುವ ಸಲುವಾಗಿ ರಣಬೀರ್ ಮತ್ತು ಆಲಿಯಾ ಜೋಧ್‌ಪುರಕ್ಕೆ ತೆರಳಿದ್ದಾರೆ ಎನ್ನಲಾಗಿದೆ.
ರಣಬೀರ್ ಮತ್ತು ಆಲಿಯಾ ಜೋಧ್‌ಪುರಕ್ಕೆ ತೆರಳಿರುವ ಚಿತ್ರಗಳನ್ನು ಅಭಿಮಾನಿಗಳು ಸಾಮಾಜಿಕ ತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.
ವಾರಾಂತ್ಯದಲ್ಲಿ ಈ ಜೋಡಿ ಮದುವೆ ಸಿದ್ಧತೆಗೆ ತೊಡಗಿರುವುದನ್ನು ಗಮನಿಸಿದರೆ, ಶೀಘ್ರದಲ್ಲೇ ಮದುವೆ ದಿನಾಂಕವನ್ನು ಘೋಷಿಸುವುದು ಪಕ್ಕಾ ಎಂಬ ಲೆಕ್ಕಾಚಾರ ರಣಬೀರ್-ಆಲಿಯಾ ಅಭಿಮಾನಿಗಳದ್ದಾಗಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.