ಸಂಭಾವನೆ ಹೆಚ್ಚಿಸಿಕೊಂಡ ರಶ್ಮಿಕಾ ಮಂದಣ್ಣ

ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ದಕ್ಷಿಣ ಭಾರತದ ಬಹುಬೇಡಿಕೆಯ ನಟಿ. ‘ಕಿರಿಕ್‌ ಪಾರ್ಟಿ’ ಚಿತ್ರದ ಮೂಲಕ ಬಣ್ಣದಲೋಕ ಪ್ರವೇಶಿಸಿದ ಅವರು ತೆಲುಗಿಗೂ ಕಾಲಿಟ್ಟರು. ನಟ ವಿಜಯ ದೇವರಕೊಂಡ ನಟನೆಯ ‘ಗೀತ ಗೋವಿಂದಂ’ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದರು. ಈ ಸಿನಿಮಾದ ಯಶಸ್ಸಿನ ಬಳಿಕ ಅವರಿಗೆ ತೆಲುಗಿನಲ್ಲಿ ಅವರಿಗೆ ಅವಕಾಶದ ಹೆಬ್ಬಾಗಿಲು ತೆರೆಯಿತು. ವಿಜಯ ದೇವರಕೊಂಡ ನಟಿಸುತ್ತಿರುವ ‘ಡಿಯರ್‌ ಕಾಮ್ರೇಡ್‌’ ಚಿತ್ರದಲ್ಲೂ ಅವರೇ ನಾಯಕಿ.

ಇದನ್ನೂ ಓದಿ:ಎಲ್ಲೇ ಹೋದರೂ ನಾನು ಕನ್ನಡತಿ: ಇದು ರಶ್ಮಿಕಾ ಮಂದಣ್ಣ ಮಾತು

ಈಗ ತಮಿಳಿನಲ್ಲಿಯೂ ಅವರು ನಟಿಸಲು ಸಜ್ಜಾಗಿದ್ದಾರೆ. ಈ ನಡುವೆಯೇ ರಶ್ಮಿಕಾ ತಮ್ಮ ಸಂಭಾವನೆಯ ಗ್ರಾಫ್‌ ಕೂಡ ಹೆಚ್ಚಿಸಿಕೊಂಡಿದ್ದಾರೆ ಎನ್ನುವುದು ಹೊಸ ಸುದ್ದಿ. ನಟರಾದ ಅಲ್ಲು ಅರ್ಜುನ್, ಮಹೇಶ್‌ ಬಾಬು, ಕಾರ್ತಿ, ನಿತಿನ್‌ ಜೊತೆಗೆ ರಶ್ಮಿಕಾ ನಟಿಸುವುದು ಖಾತ್ರಿಯಾಗಿದೆ. ಈ ನಟರು ನಟಿಸಿರುವ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಕೋಟಿ ಕೋಟಿ ಗಳಿಸುತ್ತಿರುವುದು ಗುಟ್ಟೇನಲ್ಲ.

ಒಂದು ಸಿನಿಮಾಕ್ಕೆ ₹ 40 ಲಕ್ಷ ಸಂಭಾವನೆ ಪಡೆಯುತ್ತಿದ್ದ ರಶ್ಮಿಕಾ ಈಗ ₹ 80 ಲಕ್ಷಕ್ಕೆ ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದಾರಂತೆ.

ಚಿತ್ರವೊಂದಕ್ಕೆ ತೆಲುಗಿನ ನಟಿಯರು ಪಡೆಯುವ ಸಂಭಾವನೆ

ನಯನಾ ತಾರಾ: ₹ 3 ಕೋಟಿಯಿಂದ ₹ 4 ಕೋಟಿ

ಅನುಷ್ಕಾಶೆಟ್ಟಿ:₹ 2 ಕೋಟಿಯಿಂದ ₹ 3 ಕೋಟಿ

ಕಾಜಲ್ ಅಗರ್‌ವಾಲ್‌: ₹ 2 ಕೋಟಿ

ಸಮಂತಾ: ₹ 2 ಕೋಟಿ

ತಮನ್ನಾ ಭಾಟಿಯಾ:₹ 2 ಕೋಟಿ

ಕೀರ್ತಿ ಸುರೇಶ್‌: ₹ 1 ಕೋಟಿ