ಫೋಟೊಗ್ರಾಫರ್‌ನನ್ನು ತಳ್ಳಿದ ಭದ್ರತಾ ಸಿಬ್ಬಂದಿ: ಸಾರಿ ಕೇಳಿದ ಸಾರಾ!
ಬೆಂಗಳೂರು: ಸೆಲೆಬ್ರಿಟಿಗಳೆಂದರೆ ಸಾಮಾನ್ಯವಾಗಿ ಅವರ ಸುತ್ತಮುತ್ತ ಭದ್ರತಾ ಸಿಬ್ಬಂದಿ ಇರುತ್ತಾರೆ. ಜತೆಗೆ ಫೋಟೊ ತೆಗೆಯಲು, ಸೆಲ್ಫಿಗಾಗಿ ಜನರು ಅವರನ್ನು ಮುತ್ತಿಕೊಳ್ಳುವುದು ಸಾಮಾನ್ಯ.
ಇಂತಹುದೇ ಒಂದು ಸಂದರ್ಭ ನಟಿ ಸಾರಾ ಅಲಿ ಖಾನ್ ಅವರಿಗೂ ಎದುರಾಗಿತ್ತು.
ಮುಂಬೈನ ಮಿಥಿಬಾಯಿ ಕಾಲೇಜಿನಲ್ಲಿ ನಡೆದ ಸಾರಾ ಅವರ ಅತ್ರಂಗಿ ರೇ ಸಿನಿಮಾದ ಪ್ರಚಾರ ಕಾರ್ಯದಿಂದ ವಾಪಸ್ ಆಗುವಾಗ, ಫೋಟೊಗ್ರಾಫರ್ ಒಬ್ಬರು ಸಾರಾ ಫೋಟೊ ತೆಗೆಯಲು ಯತ್ನಿಸಿದ್ದಾರೆ. ಆದರೆ ಅದಕ್ಕೆ ಅವಕಾಶ ಕೊಡದ ಭದ್ರತಾ ಸಿಬ್ಬಂದಿ, ಆ ವ್ಯಕ್ತಿಯನ್ನು ತಳ್ಳಿದ್ದಾರೆ.!
ಇದನ್ನು ಗಮನಿಸಿದ ಸಾರಾ, ಕೂಡಲೇ ಆ ಫೋಟೊಗ್ರಾಫರ್ ಬಳಿ ಕ್ಷಮೆಯಾಚಿಸಿದ್ದಾರೆ. ಜತೆಗೆ ಭದ್ರತಾ ಸಿಬ್ಬಂದಿಗೂ ಸಾರಿ ಕೇಳುವಂತೆ ಸೂಚಿಸಿದ್ದಾರೆ.
ಸಾರಾ ಅವರ ಈ ವಿಡಿಯೊ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದ್ದು, ನಟಿಯ ನಡೆಗೆ ಜನರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.