ಹಾಡು ನೋಡಿ: ಸೂರ್ಯವಂಶಿಯಲ್ಲೂ ’ಟಿಪ್...ಟಿಪ್...ಬರಸಾ’ ಗುನುಗು
ಅಕ್ಷಯ್ ಕುಮಾರ್‌ ಹಾಗೂ ಕತ್ರಿನಾ ಕೈಫ್‌ ಅಭಿನಯದ ಸೂರ್ಯವಂಶಿ ಸಿನಿಮಾ ಬಿಡುಗಡೆಯಾಗಿ ಉತ್ತಮ ಪ್ರದರ್ಶನ ಕಾಣುತ್ತಿದ್ದು ಚಿತ್ರದ ’ಟಿಪ್...ಟಿಪ್...ಬರಸಾ’ ಹಾಡು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
90ರ ದಶಕದಲ್ಲಿ ಬಿಡುಗಡೆಯಾಗಿದ್ದ ಮೊಹರಾ ಸಿನಿಮಾದ ಹಾಡನ್ನು ಸೂರ್ಯವಂಶಿ ಚಿತ್ರದಲ್ಲಿ ಅಳವಡಿಸಿಕೊಳ್ಳಲಾಗಿದೆ. ಆ ಕಾಲದಲ್ಲಿ ಈ ಹಾಡು ಸೂಪರ್‌ ಹಿಟ್‌ ಆಗಿತ್ತು. ವಿಶೇಷ ಅಂದ್ರೆ ಇದರಲ್ಲಿ ಅಕ್ಷಯ್ ಕುಮಾರ್‌ ಹಾಗೂ ರವಿನಾ ಟಂಡನ್ ನಟಿಸಿದ್ದರು.
ರವಿನಾ ಮತ್ತು ಅಕ್ಷಯ್ ಮಳೆಯಲ್ಲಿ ರೋಮ್ಯಾಂಟಿಕ್‌ ಆಗಿ ನೃತ್ಯ ಮಾಡುವ ಟಿಪ್ ಟಿಪ್ ಹಾಡು ಅಭಿಮಾನಿಗಳಿಗೆ ಇಷ್ಟವಾಗಿತ್ತು. ಆ ಹಾಡಿನಲ್ಲಿ ಹಳದಿ ಸೀರೆ ಧರಿಸಿದ್ದ ರವಿನಾ ಸಖತ್‌ ಹಾಟ್‌ ಆಗಿ ಕಾಣಿಸಿಕೊಂಡಿದ್ದರು.
ಅದೇ ಹಾಡನ್ನು ಬಳಸಿಕೊಂಡಿರುವ ಚಿತ್ರತಂಡ ಕತ್ರಿನಾ ಅವರನ್ನು ಮಳೆಯಲ್ಲಿ ಕುಣಿಸಿದ್ದಾರೆ. ಸ್ವಲ್ಪ ಬದಲಾವಣೆಯೊಂದಿಗೆ ಹಾಡನ್ನು ಯಥಾವತ್ತಾಗಿ ಬಳಸಿಕೊಂಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.