‘ಸೈರಾ’ ಚಿತ್ರದ ಕನ್ನಡ ಟೀಸರ್‌ ಬಿಡುಗಡೆ: ಶುಭ ಕೋರಿದ ಕಿಚ್ಚ ಸುದೀಪ್
‘ಸೈರಾ ನರಸಿಂಹರೆಡ್ಡಿ’ –‘ಮೆಗಾ ಸ್ಟಾರ್’ ಚಿರಂಜೀವಿ ನಟನೆಯ 151ನೇ ಚಿತ್ರ. ಬ್ರಿಟಿಷರ ವಿರುದ್ಧ ಹೋರಾಡಿದ ಸ್ವಾತಂತ್ರ್ಯ ಸೇನಾನಿ ನರಸಿಂಹರೆಡ್ಡಿ ಅವರ ಜೀವನಾಧಾರಿತ ಕಥನ. ಇಂದು ಬಿಡುಗಡೆಯಾದ ಟೀಸರ್‌ ವೀಕ್ಷಿಸಿದ ಪ್ರೇಕ್ಷಕರು ರೋಮಾಂಚನಗೊಂಡಿದ್ದಾರೆ. ಚಿರಂಜೀವಿ ಅವರದು ಬ್ರಿಟಿಷರ ವಿರುದ್ಧ ಹೋರಾಟಕ್ಕಿಳಿಯುವ ನರಸಿಂಹರೆಡ್ಡಿಯ ಪಾತ್ರ. ಟೀಸರ್‌ನಲ್ಲಿ ಅವರ ಹೋರಾಟ ಮೈನವಿರೇಳಿಸುತ್ತದೆ.
ಕನ್ನಡದಲ್ಲಿಯೂ ‘ಸೈರಾ ನರಸಿಂಹರೆಡ್ಡಿ’ ಚಿತ್ರದ ಟೀಸರ್‌ ಬಿಡುಗಡೆಯಾಗಿದೆ. ಕನ್ನಡಕ್ಕೂ ಈ ಸಿನಿಮಾ ಡಬ್ಬಿಂಗ್‌ ಆಗುತ್ತಿರುವುದು ವಿಶೇಷ. ಅಮಿತಾಭ್ ಬಚ್ಚನ್, ಸುದೀಪ್, ನಯನತಾರಾ, ತಮನ್ನಾ ಭಾಟಿಯಾ, ಸೇತುಪತಿ ಮುಖ್ಯಭೂಮಿಕೆಯಲ್ಲಿದ್ದಾರೆ. ಇದಕ್ಕೆ ಆ್ಯಕ್ಷನ್ ಕಟ್‌ ಹೇಳಿರುವುದು ಸುರೇಂದರ್ ರೆಡ್ಡಿ.
ಚಿರಂಜೀವಿ ಅವರ ಪುತ್ರ ರಾಮ್‌ಚರಣ್‌ ಚಿತ್ರಕ್ಕೆ ಆರ್ಥಿಕ ಇಂಧನ ಒದಗಿಸಿದ್ದಾರೆ. ಅಕ್ಟೋಬರ್‌ 2ರಂದು ವಿಶ್ವದಾದ್ಯಂತ ತೆರೆಕಾಣುತ್ತಿದೆ.
ನಟ ಸುದೀಪ್ ಸೈರಾ ಟೀಸರ್‌ಗೆ ಟ್ವಿಟರ್‌ನಲ್ಲಿ ಶುಭ ಕೋರಿದ್ದಾರೆ. ‘ರಾಮ್‌ಚರಣ್‌ ಮತ್ತು ಸುರೇಂದ್ರ ಅವರ ತಂಡದ ಶ್ರಮ ಶ್ಲಾಘನೀಯವಾದುದು. ಚಿರಂಜೀವಿ ಸರ್ ಅವರ ಲುಕ್‌ ಸೊಗಸಾಗಿದೆ’ ಎಂದು ಟ್ವೀಟ್‌ ಮಾಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.