Taare Zameen Par ಚಿತ್ರದ ಬಾಲ ನಟ ಇಶಾನ್‌ ಅವಸ್ತಿ ಈಗ ಹೇಗಿದ್ದಾರೆ ನೋಡಿ..
ದರ್ಶೀಲ್‌, ಟಿಸ್ಕಾ ಚೋಪ್ರಾ
ಇನ್‌ಸ್ಟಾಗ್ರಾಮ್‌ ಚಿತ್ರ
ಮುಂಬೈ: ಬಾಲಿವುಡ್‌ ಸಿನಿಮಾಗಳಲ್ಲಿ ಇಂದಿಗೂ ಹಲವರ ಮೆಚ್ಚಿನ ಚಿತ್ರ ತಾರೆ ಜಮೀನ್‌ ಪರ್‌ (Taare Zameen Par). ಅಮೀರ್ ಖಾನ್‌ ಹಾಗೂ ಬಾಲ ನಟನಾಗಿ ದರ್ಶೀಲ್‌ ಸಫಾರಿ (ಇಶಾನ್‌ ಅವಸ್ತಿ ಪಾತ್ರದಲ್ಲಿನ ಬಾಲಕ) ಅವರ ನಟನೆ ಸಿನಿ ಪ್ರಿಯರ ಮನ ಗೆದ್ದಿತ್ತು. 2007ರಲ್ಲಿ ಈ ಚಿತ್ರ ಬಿಡುಗಡೆಯಾಗಿತ್ತು.
ಬಾಲನಟನಾಗಿ ನಟಿಸಿದ್ದ ದರ್ಶೀಲ್‌ ಅವರು ಹಲವು ವರ್ಷಗಳ ಬಳಿಕ ಕ್ಯಾಮೆರಾ ಮುಂದೆ ಕಾಣಿಸಿಕೊಂಡಿದ್ದಾರೆ. ಅಮೀರ್ ಖಾನ್‌ ಮಗಳು ಇರಾ ಖಾನ್‌ ಅವರ ಮದುವೆಯ ರಿಸೆಪ್ಶನ್‌ ಇತ್ತೀಚೆಗೆ ನಡೆದಿದೆ. ಈ ಕಾರ್ಯಕ್ರಮದಲ್ಲಿ ದರ್ಶೀಲ್‌ ಭಾಗಿಯಾಗಿದ್ದರು.
15 ವರ್ಷದ ಬಳಿಕ ದರ್ಶೀಲ್‌ ಅವರ ಹ್ಯಾಂಡ್‌ಸಮ್‌ ಲುಕ್‌ ನೋಡಿ ನೆಟ್ಟಿಗರು ಬೆರಗಾಗಿದ್ದಾರೆ. ದರ್ಶೀಲ್‌ ಅವರೊಂದಿಗಿನ ಫೋಟೊವನ್ನು ನಟಿ ಟಿಸ್ಕಾ ಚೋಪ್ರಾ ಅವರು ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಅಂದ ಹಾಗೆ ಟಿಸ್ಕಾ ಚೋಪ್ರಾ ಅವರು ತಾರೆ ಜಮೀನ್‌ ಪರ್‌ ಚಿತ್ರದಲ್ಲಿ ದರ್ಶೀಲ್‌ ಅವರ ತಾಯಿಯಾಗಿ ನಟಿಸಿದ್ದರು.
ದರ್ಶೀಲ್‌ ಅವರನ್ನು ನೋಡಿ ಹಲವರು, ‘ನೆಚ್ಚಿನ ಶಿಕ್ಷಕನ ಮಗಳ ಮದುವೆಗೆ ಶಿಷ್ಯ ಬರದೇ ಇರಲು ಹೇಗೆ ಸಾಧ್ಯ’ ಎಂದು ಕಾಮೆಂಟ್‌ ಮಾಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.