ವಿಜಯ್‌ ರಾಘವೇಂದ್ರ 51ನೇ ಹೆಜ್ಜೆ ‘ಸಾವಿತ್ರಿ’

‘ಸಾವಿತ್ರಿ’ ವಿಜಯ್‌ ರಾಘವೇಂದ್ರ ಅವರ 51ನೇ ಚಿತ್ರ.ಪಿಎನ್‌ಪಿ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಪ್ರಶಾಂತ್ ಕುಮಾರ್ ಹೀಳಲಿಗೆ ಅವರು ನಿರ್ಮಿಸುತ್ತಿರುವ ಚಿತ್ರವಿದು. ಇತ್ತೀಚೆಗೆ ಚಿತ್ರದ ಮೂರು ಹಾಡುಗಳು ಹಾಗೂ ಟ್ರೇಲರ್‌ ಬಿಡುಗಡೆ ನಡೆದಿದೆ.

ವಿಜಯ ರಾಘವೇಂದ್ರ ಜೊತೆ ತಾರಾ, ಪ್ರಕಾಶ್ ಬೆಳವಾಡಿ, ಊರ್ವಶಿ ರಾಯ್, ಮಿಮಿಕ್ರಿ ಗೋಪಿ, ನೈಲಾ ಪ್ರಮೋದ್, ಸಂಜು ಬಸಯ್ಯ, ಸ್ವಾತಿ ಮುಂತಾದವರ ತಾರಾಬಳಗ ಈ ಚಿತ್ರದಲ್ಲಿದೆ. ನಾಗಾರ್ಜುನ ಛಾಯಾಗ್ರಾಹಣವಿದೆ. ಹೃದಯಶಿವ ಅವರ ಸಂಗೀತವಿದೆ ಎಂದು ನಿರ್ದೇಶಕ ಎಸ್. ದಿನೇಶ್ ಮಾಹಿತಿ ನೀಡಿದರು.

ಚಿತ್ರ ತೆರೆಗೆ ಬರಲು ಸಿದ್ದವಾಗಿದೆ. ಸರ್ಕಾರವು ಚಿತ್ರಮಂದಿರಗಳಲ್ಲಿ ಶೇ ನೂರರಷ್ಟು ಆಸನಭರ್ತಿಗೆ ಅನುಮತಿ ನೀಡಿದರೆ, ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡುತ್ತೇನೆ. ಇಲ್ಲವಾದಲ್ಲಿ ಒಟಿಟಿ ಮೂಲಕ ಪ್ರದರ್ಶಿಸುತ್ತೇವೆ ಎಂದರು ನಿರ್ಮಾಪಕ ಪ್ರಶಾಂತ್ ಕುಮಾರ್.

ನಟಿಯರಾದ ಊರ್ವಶಿ ರಾಯ್, ನೈಲಾ ಪ್ರಮೋದ್ ತಮ್ಮ ಪಾತ್ರದ ಬಗ್ಗೆ ಮಾತನಾಡಿದರು.