ಯುವ02: ಯುವ ರಾಜ್‌ಕುಮಾರ್‌ ಎರಡನೇ ಸಿನಿಮಾಕ್ಕೆ ರೋಹಿತ್‌ ಪದಕಿ ಆ್ಯಕ್ಷನ್‌ ಕಟ್‌
‘ಯುವ’ ಸಿನಿಮಾ ಮೂಲಕ ಚಂದನವನಕ್ಕೆ ಹೆಜ್ಜೆ ಇಟ್ಟಿದ್ದ ನಟ ಯುವ ರಾಜ್‌ಕುಮಾರ್‌ ಎರಡನೇ ಸಿನಿಮಾವನ್ನು ರೋಹಿತ್‌ ಪದಕಿ ನಿರ್ದೇಶಿಸಲಿದ್ದಾರೆ.
‘ಯುವ’ ಸಿನಿಮಾ ಮೂಲಕ ಚಂದನವನಕ್ಕೆ ಹೆಜ್ಜೆ ಇಟ್ಟಿದ್ದ ನಟ ಯುವ ರಾಜ್‌ಕುಮಾರ್‌ ಎರಡನೇ ಸಿನಿಮಾವನ್ನು ರೋಹಿತ್‌ ಪದಕಿ ನಿರ್ದೇಶಿಸಲಿದ್ದಾರೆ.
‘ರತ್ನನ್‌ ಪ್ರಪಂಚ’ ಖ್ಯಾತಿಯ ರೋಹಿತ್‌ ಸದ್ಯ ಧನಂಜಯ ನಟನೆಯ ‘ಉತ್ತರಕಾಂಡ’ ಸಿನಿಮಾದಲ್ಲಿ ತೊಡಗಿಸಿಕೊಂಡಿದ್ದಾರೆ. ಈ ಸಿನಿಮಾವನ್ನು ಕೆ.ಆರ್‌.ಜಿ. ಸ್ಟುಡಿಯೊಸ್‌ ನಿರ್ಮಾಣ ಮಾಡುತ್ತಿದೆ. ಯುವ ರಾಜ್‌ಕುಮಾರ್‌ ಎರಡನೇ ಸಿನಿಮಾವನ್ನು ಪಿ.ಆರ್‌.ಕೆ ಪ್ರೊಡಕ್ಷನ್ಸ್‌, ಜಯಣ್ಣ ಫಿಲಂಸ್‌ ಮತ್ತು ಕೆ.ಆರ್‌.ಜಿ. ಸ್ಟುಡಿಯೊಸ್‌ ಜಂಟಿಯಾಗಿ ನಿರ್ಮಾಣ ಮಾಡಲಿದ್ದು, ಚಿತ್ರದ ಶೀರ್ಷಿಕೆಯನ್ನು ಸದ್ಯ ‘#ಯುವ02’ ಎಂದು ಇಡಲಾಗಿದೆ. ಇದೇ ಮೊದಲ ಬಾರಿಗೆ ಮೂರು ನಿರ್ಮಾಣ ಸಂಸ್ಥೆಗಳು ಜೊತೆಗೂಡಿ ಕನ್ನಡ ಸಿನಿಮಾವೊಂದನ್ನು ನಿರ್ಮಾಣ ಮಾಡುತ್ತಿದೆ. ಈ ಸಿನಿಮಾದ ಕಥೆಯೂ ರೋಹಿತ್‌ ಪದಕಿ ಅವರದ್ದು.
ಕನ್ನಡ ರಾಜ್ಯೋತ್ಸವದ ದಿನ ಚಿತ್ರದ ಶೀರ್ಷಿಕೆ ಹಾಗೂ ಫಸ್ಟ್‌ ಲುಕ್‌ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಘೋಷಿಸಿದೆ. ಚಿತ್ರದ ತಾರಾಬಳಗದ ಮಾಹಿತಿಯನ್ನೂ ಶೀಘ್ರದಲ್ಲೇ ನೀಡಲಾಗುವುದು ಎಂದು ಕೆ.ಆರ್‌.ಜಿ. ಸ್ಟುಡಿಯೊಸ್‌ ತಿಳಿಸಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.