ಅಮೆಜಾನ್ ಪ್ರೈಮ್ ವಿಡಿಯೊ ಮೊಬೈಲ್ ಆವೃತ್ತಿ ಈಗ ಲಭ್ಯ
ಅಮೆಜಾನ್ ಪ್ರೈಮ್ ವಿಡಿಯೊ ಮೊಬೈಲ್ ಆವೃತ್ತಿ ಎಲ್ಲ ಬಳಕೆದಾರರಿಗೆ ದೊರೆಯುತ್ತಿದೆ.
Published 8 ನವೆಂಬರ್ 2022, 11:24 IST
ಬೆಂಗಳೂರು: ಅಮೆಜಾನ್ ಇಂಡಿಯಾ ದೇಶದ ಬಳಕೆದಾರರಿಗೆ ಪ್ರೈಮ್ ಮೊಬೈಲ್ ವಿಶೇಷ ಪ್ಲ್ಯಾನ್ ಪರಿಚಯಿಸುತ್ತಿದೆ.
ಅಮೆಜಾನ್ ಪ್ರೈಮ್ ವಾರ್ಷಿಕ ಪ್ಲ್ಯಾನ್ ದರವನ್ನು ಕಳೆದ ವರ್ಷದ ಅಕ್ಟೋಬರ್‌ನಲ್ಲಿ ₹999ರಿಂದ ₹1,499ಕ್ಕೆ ಏರಿಕೆ ಮಾಡಲಾಗಿತ್ತು.
ಈ ಬಾರಿ ಅಮೆಜಾನ್, ಪ್ರೈಮ್ ಮೊಬೈಲ್ ಆವೃತ್ತಿ ಪ್ಲ್ಯಾನ್ ಪರಿಚಯಿಸಿದೆ. ಪ್ರೈಮ್ ಮೊಬೈಲ್ ಆವೃತ್ತಿ ₹599 ದರಕ್ಕೆ ವಾರ್ಷಿಕವಾಗಿ ಲಭ್ಯವಿರಲಿದೆ. ಅಂದರೆ, ಪ್ರತಿ ತಿಂಗಳು ₹50 ರಂತೆ ದರ ಇರಲಿದೆ.
ಈ ಪ್ಲ್ಯಾನ್ ಒಂದು ಸ್ಮಾರ್ಟ್‌ಫೋನ್‌ಗೆ ಮಾತ್ರ ಲಭ್ಯವಿರಲಿದೆ. ಅಂದರೆ ಒಮ್ಮೆಗೆ, ಒಂದು ಡಿವೈಸ್‌ನಲ್ಲಿ ಮಾತ್ರ ಪ್ರೈಮ್ ವಿಡಿಯೊ ಸ್ಟ್ರೀಮಿಂಗ್ ಆಗಲಿದೆ.
ಮೊಬೈಲ್ ಬಳಕೆದಾರರನ್ನು ಗಮನದಲ್ಲಿರಿಸಿಕೊಂಡು, ಈ ಪ್ಲ್ಯಾನ್ ಪರಿಚಯಿಸಲಾಗಿದೆ ಎಂದು ಅಮೆಜಾನ್ ಹೇಳಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.