ಸೂರ್ಯ ನಮಸ್ಕಾರ ಆರೋಗ್ಯಕ್ಕೆ ಒಳ್ಳೆಯದು: ಕರೀನಾ ಕಪೂರ್
Published 26 ನವೆಂಬರ್ 2021, 5:33 IST
ನಟಿ ಕರೀನಾ ಕಪೂರ್ ಯೋಗ ವಿಡಿಯೊ ವೈರಲ್
ಬೆಂಗಳೂರು: ಯೋಗ ಎಂದರೆ ಬಾಲಿವುಡ್ ಮಂದಿಗೂ ಅಚ್ಚುಮೆಚ್ಚು. ಅದರಲ್ಲೂ ಸೆಲೆಬ್ರಿಟಿಗಳಂತೂ ದಿನನಿತ್ಯದ ಕೆಲಸದ ನಡುವೆಯೂ ಯೋಗಕ್ಕೆ ಇಂತಿಷ್ಟು ಸಮಯ ಮೀಸಲಿಟ್ಟಿರುತ್ತಾರೆ.
ಬಾಲಿವುಡ್ ನಟಿ ಕರೀನಾ ಕಪೂರ್ ಕೂಡ ಯೋಗಕ್ಕೆ ಹೆಚ್ಚಿನ ಆದ್ಯತೆ ನೀಡುತ್ತಾರೆ.
ಸೂರ್ಯ ನಮಸ್ಕಾರ ಮಾಡುವ ವಿಡಿಯೊ ಒಂದನ್ನು ಅವರು ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದು, ಒಂದಲ್ಲ, ಎರಡಲ್ಲ.. ಬದಲಾಗಿ 108 ಬಾರಿ ಸೂರ್ಯ ನಮಸ್ಕಾರ ಮಾಡಿದ್ದಾರೆ ಕರೀನಾ ಕಪೂರ್!
ಎರಡು ಮಕ್ಕಳ ತಾಯಿಯಾಗಿರುವ ಕರೀನಾ ಕಪೂರ್, ಹೆರಿಗೆಯ ಬಳಿಕ ದೇಹವನ್ನು ಫಿಟ್ ಆಗಿ ಇರಿಸಲು ಯೋಗದ ಮೊರೆ ಹೋಗಿದ್ದಾಗಿ ಹೇಳಿಕೊಳ್ಳುತ್ತಿದ್ದರು.
ಜತೆಗೆ ಯೋಗ ಮಾಡುವುದರಿಂದ ದೈಹಿಕ ಮತ್ತು ಮಾನಸಿಕ ಆರೋಗ್ಯ ವೃದ್ಧಿಗೆ ಸಹಕಾರಿ ಎನ್ನುವ ಮಾತುಗಳನ್ನು ಕೂಡ ಕರೀನಾ, ಹಲವು ಸಂದರ್ಭಗಳಲ್ಲಿ ಜನರಿಗೆ ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.