ಗೆಳೆಯ ಅಸ್ಲಾನ್ ಜತೆ ಕ್ರಿಸ್ಮಸ್ ಆಚರಿಸಿದ ಹೃತಿಕ್ ರೋಷನ್ ಮಾಜಿ ಪತ್ನಿ ಸುಸಾನೆ
ಬೆಂಗಳೂರು: ಬಾಲಿವುಡ್ ನಟ ಹೃತಿಕ್ ರೋಷನ್ ಅವರಿಂದ ವಿಚ್ಛೇದನ ಪಡೆದುಕೊಂಡ ಬಳಿಕ ಸುಸಾನೆ ಖಾನ್, ಗೆಳೆಯ ಅಸ್ಲಾನ್ ಗೋನಿ ಜತೆಗಿನ ಒಡನಾಟದಿಂದ ಹೆಚ್ಚು ಸುದ್ದಿಯಲ್ಲಿದ್ದಾರೆ.
ಈ ಬಾರಿ ಇಬ್ಬರೂ ಜತೆಯಾಗಿ ಕ್ರಿಸ್ಮಸ್ ಹಬ್ಬ ಆಚರಿಸಿರುವ ಫೋಟೊ ಇಂಟರ್‌ನೆಟ್‌ನಲ್ಲಿ ವೈರಲ್ ಆಗಿದೆ.
ಅಸ್ಲಾನ್ ಜತೆ ಸುಸಾನೆ ಖಾನ್ ಇರುವ ಫೋಟೊವನ್ನು ಚಿತ್ರಕಥೆಗಾರ ಮುಶ್ತಾಕ್ ಶೇಖ್ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಇತ್ತೀಚೆಗೆ ಗೋವಾದಲ್ಲಿ ಸುಸಾನೆ ಖಾನ್ ಹುಟ್ಟುಹಬ್ಬವನ್ನು ಅಸ್ಲಾನ್ ಗೋನಿ ಆಚರಿಸಿದ್ದು ಮತ್ತು ಅಸ್ಲಾನ್ ಗೋನಿ ಹುಟ್ಟುಹಬ್ಬದ ಆಚರಣೆಯಲ್ಲಿ ಸುಸಾನೆ ಖಾನ್ ಪಾಲ್ಗೊಂಡ ವಿಚಾರ ಚರ್ಚೆಗೆ ಗ್ರಾಸವಾಗಿತ್ತು.
ಅಲ್ಲದೆ ಇಬ್ಬರೂ ಪರಸ್ಪರ ಅತ್ಯಂತ ಆಪ್ತವಾಗಿ ಶುಭಕೋರಿದ್ದರು.
ಈ ಬಗ್ಗೆ ಸಾಮಾಜಿಕ ತಾಣಗಳಲ್ಲಿ ಚರ್ಚೆಯಾಗುತ್ತಿದ್ದಂತೆಯೇ, 'ನಾವಿಬ್ಬರೂ ಒಳ್ಳೆಯ ಫ್ರೆಂಡ್ಸ್ ಅಷ್ಟೇ' ಎಂದು ಹೇಳಿಕೆ ನೀಡುತ್ತಾ ಬಂದಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.