ಆಲಿಯಾ ಭಟ್ ಎಂದರೆ ನನಗೂ ಅಚ್ಚುಮೆಚ್ಚು: ಅಮಿತಾಭ್ ಬಚ್ಚನ್
Published 7 ಡಿಸೆಂಬರ್ 2021, 7:51 IST
ಕೌನ್ ಬನೇಗಾ ಕರೋಡ್‌ಪತಿ ಕಾರ್ಯಕ್ರಮದಲ್ಲಿ ಬಿಗ್‌ಬಿ ಹೇಳಿಕೆ
ಬೆಂಗಳೂರು: ಬಾಲಿವುಡ್ ಬಿಗ್‌ಬಿ ಅಮಿತಾಭ್ ಬಚ್ಚನ್ ನಡೆಸಿಕೊಡುವ ಕೌನ್ ಬನೇಗಾ ಕರೋಡ್‌ಪತಿ ಕಾರ್ಯಕ್ರಮದಲ್ಲಿ ಕೆಲವೊಂದು ಆಸಕ್ತಿದಾಯಕ ಸಂಗತಿಗಳು ತೆರೆದುಕೊಳ್ಳುತ್ತವೆ.
ಅಮಿತಾಭ್ ಅವರು ಸ್ಪರ್ಧಿಗಳ ಜತೆ ಪ್ರಶ್ನೆ ಕೇಳುವ ಜತೆಗೆ ಸಾಮಾನ್ಯ ಸಂಗತಿಗಳ ಕುರಿತು ಮಾತಿಗೆ ಎಳೆಯುತ್ತಾರೆ.
ಕೌನ್ ಬನೇಗಾ ಕರೋಡ್‌ಪತಿ ಸೀಸನ್ 13ರಲ್ಲಿ ಅಮಿತಾಭ್, ಸ್ಪರ್ಧಿಯೊಬ್ಬರ ಜತೆ ಮಾತನಾಡುತ್ತಾ ನನಗೆ ಆಲಿಯಾ ಭಟ್ ಎಂದರೆ ಇಷ್ಟ ಎಂದು ಹೇಳಿದ್ದಾರೆ. ಅಲ್ಲದೆ, ನನ್ನ ಹೆಂಡತಿ ಪಕ್ಕದಲ್ಲಿ ಇಲ್ಲದೇ ಇರುವುದರಿಂದ ನಾನು ಈಗ ಸ್ವತಂತ್ರವಾಗಿ ಮಾತನಾಡಬಹುದು ಎಂದು ಹಾಸ್ಯಚಟಾಕಿ ಹಾರಿಸಿದ್ದರೆ.
ಕೌನ್ ಬನೇಗಾ ಕರೋಡ್‌ಪತಿ ಸ್ಪರ್ಧಿ ಮನೋಜ್ ಎಂಬವರು ಶೋದಲ್ಲಿ ನಟಿಯರ ಪೈಕಿ ನನಗೆ ಆಲಿಯಾ ಭಟ್ ಎಂದರೆ ಇಷ್ಟ ಎಂದಿದ್ದಾರೆ.
ಅದನ್ನು ಕೇಳಿದ ಅಮಿತಾಭ್ ಅವರು, ನನಗೆ ಆಲಿಯಾ ಭಟ್ ಎಂದರೆ ಇಷ್ಟ ಎಂದು ತಿಳಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.