Bigg Boss Kannada: ಸಂಗೀತಾ ಅವರನ್ನು ಆಟದಿಂದ ಹೊರಗಿಟ್ಟು ಶಾಕ್ ನೀಡಿದ ಪ್ರತಾಪ್!
ಸಂಗೀತಾ ಮತ್ತು ಪ್ರತಾಪ್
ಬಿಗ್‌ಬಾಸ್‌ ಕನ್ನಡ ರಿಯಾಲಿಟಿ ಶೋ ಅಂತಿಮ ಹಂತದತ್ತ ಸಾಗಿದ್ದು, ಫೈನಲ್‌ ಟಿಕೆಟ್‌ ಮೇಲೆ ಕಣ್ಣಿಟ್ಟಿರುವ ಸ್ಪರ್ಧಿಗಳ ನಡುವೆ ಭಾರಿ ಪೈಪೋಟಿ ಎದುರಾಗಿದೆ. ಆರಂಭದಿಂದಲೂ ಒಬ್ಬರಿಗೊಬ್ಬರು ಹೆಗಲುಕೊಟ್ಟು ನಿಂತು ಬಂಧ ಬಿಗಿಗೊಳಿಸಿಕೊಂಡಿದ್ದ ಮನೆ ಮಂದಿ, ಇದೀಗ ಪರಸ್ಪರರನ್ನು ಹಿಂದಿಕ್ಕಿ ಪ್ರಶಸ್ತಿ ಜಯಿಸಲು ಮುನ್ನುಗ್ಗುವ ಮೂಡ್‌ನಲ್ಲಿದ್ದಾರೆ.
ಫೈನಲ್‌ ಟಿಕೆಟ್‌ಗಾಗಿ ನಡೆಯುತ್ತಿರುವ ಟಾಸ್‌ಗಳು ಎಲ್ಲರ ಬಣ್ಣ ಬಯಲಾಗಿಸುತ್ತಿವೆ. ನಮ್ರತಾ ಅವರು, ಕಳೆದ ಎಪಿಸೋಡ್‌ನಲ್ಲಿ ವಿನಯ್ ಅವರನ್ನು ಆಟದಿಂದ ಹೊರಗಿಟ್ಟು ಅಚ್ಚರಿ ಮೂಡಿಸಿದ್ದರು. ಇದೀಗ, ಪ್ರತಾಪ್ ಸಹ ಅಂತಹದೇ ನಿರ್ಧಾರ ಕೈಗೊಂಡಿದ್ದಾರೆ ಎಂಬುದು, JioCinema ಬಿಡುಗಡೆ ಮಾಡಿರುವ ಪ್ರೋಮೊ ನೋಡಿದರೆ ಗೊತ್ತಾಗುತ್ತದೆ.
ಟಾಸ್ಕ್‌ಗಳಲ್ಲಿ ಅಧಿಕ ಅಂಕ ಗಳಿಸಿದವರು ಫೈನಲ್‌ ಟಿಕೆಟ್‌ ಗಿಟ್ಟಿಸಲಿದ್ದಾರೆ ಎಂಬುದನ್ನು ಬಿಗ್‌ಬಾಸ್‌ ಈಗಾಗಲೇ ಪ್ರಕಟಿಸಿದ್ದಾರೆ. ಅದರಂತೆ ಲಿಸ್ಟ್‌ನ ಟಾಪ್‌ ಅಲ್ಲಿರುವ ಸಂಗೀತಾ ಮತ್ತು ಪ್ರತಾಪ್ ಮಧ್ಯೆ ಪೈಪೋಟಿ ಎದುರಾಗಿದೆ. ವರ್ತೂರು ಸಂತೋಷ್ ಹಾಗೂ ನಮ್ರತಾ ಅವರೂ ರೇಸ್‌ನಲ್ಲಿದ್ದಾರೆ.
ಟಾಸ್ಕ್‌ವೊಂದರಲ್ಲಿ ಸಂಗೀತಾ ಅವರನ್ನು ತಮ್ಮ ಎದುರಾಳಿಯನ್ನಾಗಿ ಆಯ್ಕೆ ಮಾಡಿಕೊಂಡು ಆಡುವ ಅವಕಾಶ ನೀಡಿರುವ ಪ್ರತಾಪ್, ತಮಗಿರುವ ವಿಶೇಷ ಅಧಿಕಾರ ಬಳಿಸಿಕೊಂಡು ಅವರನ್ನು ಆಟದ ಮಧ್ಯೆಯೇ ಹೊರಹಾಕಿದ್ದಾರೆ. ಸಂಗೀತಾ ಅವರನ್ನು ಪ್ರೀತಿಯಿಂದ 'ದೀ' ಎನ್ನುತ್ತಾ ಸದಾ ಜೊತೆಗಿರುತ್ತಿದ್ದ ಪ್ರತಾಪ್ ಕೈಗೊಂಡ ಈ ನಿರ್ಧಾರ ಮನೆಯವರನ್ನು ದಿಗ್ಭ್ರಮೆಗೊಳಿಸಿದೆ.
ಬೇಸರಗೊಂಡಿರುವ ಸಂಗೀತಾ, ‘ಇನ್ನೂ ಅವನನ್ನು ಬೆಂಬಲಿಸುತ್ತ ಬಂದೆನಲ್ಲ, ನಾನೆಂಥ ದಡ್ಡಿ' ಎಂದು ಪಶ್ಚಾತಾಪ ಪಟ್ಟುಕೊಂಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.