Bigg Boss Kannada: ಬಿಗ್ಬಾಸ್ ಮನೆಗೆ ಬ್ರಹ್ಮಾಂಡ ಗುರೂಜಿ ಸ್ಪೆಷಲ್ ಎಂಟ್ರಿ!
ಬಿಗ್ಬಾಸ್ ಕನ್ನಡ 10ನೇ ಆವೃತ್ತಿಯ 6ನೇ ವಾರ ಡಬಲ್ ಎಲಿಮಿನೇಶನ್ ಆಗಿತ್ತು. ಕಿಚ್ಚನ ಜೊತೆ ನಡೆದ ಫ್ರೆಂಡ್‌ಷಿಪ್ ಪಂಚಾಯ್ತಿ, ಫೇಕ್‌, ಜೆನ್ಯೂನ್‌ ಚರ್ಚೆಯಲ್ಲಿ ಮುಳುಗಿದ್ದ ಮನೆಗೆ ಸ್ಪೆಷಲ್ ಎಂಟ್ರಿಯಾಗಿದೆ.
7ನೇ ವಾರ ಆರಂಭದ ಬೆಳ್ಳಂ ಬೆಳಿಗ್ಗೆ ಸ್ಪರ್ಧಿಗಳಿಗೆ ಬಿಗ್ಬಾಸ್ ಮಜವಾದ ಸರ್‌ಪ್ರೈಸ್ ನೀಡಿದ್ದಾರೆ.
JioCinema ಬಿಡುಗಡೆ ಮಾಡಿರುವ ಬೆಳಗಿನ ಪ್ರೋಮೊದಲ್ಲಿ ಈ ಸ್ಪೆಷಲ್ ಎಂಟ್ರಿಯ ಗ್ಲಿಂಪಸ್‌ ಇದೆ.
‘ಮುಂಡಾ ಮೋಚ್ತು’ ಎಂಬ ಶಬ್ದ ಬಿಗ್ಬಾಸ್ ಮನೆಯಲ್ಲಿ ಮೊಳಗಿದೆ. ಇದನ್ನು ಕೇಳಿದ ಮೇಲೆ ಬಿಗ್ಬಾಸ್ ಮನೆಗೆ ಸ್ಪೆಷಲ್ ಎಂಟ್ರಿ ಕೊಟ್ಟವರು ಯಾರೆಂದು ನಿಮಗೆ ಗೊತ್ತಾಗಿರುತ್ತೆ. ಅವರೇ ಬ್ರಹ್ಮಾಂಡ ಗುರೂಜಿ.
ಬೆಳ್ಳಂ ಬೆಳಿಗ್ಗೆ ಬಿಗ್ಬಾಸ್ ಮನೆಯ ಮುಖ್ಯದ್ವಾರ ಓಪನ್ ಆಗಿದ್ದು, ಸ್ಪರ್ಧಿಗಳು ನೆಟ್ಟ ಕಣ್ಣು ನೆಟ್ಟಂತೆ ಒಂದೆಡೆ ನೋಡುತ್ತಿದ್ದಾರೆ. ಗುರೂಜಿ ಒಳಬರುತ್ತಿದ್ದಂತೆಯೇ ಎಲ್ಲರ ಮುಖದಲ್ಲಿಯೂ ನಗು. ಮನೆಯಲ್ಲಿ ಎಲ್ಲ ಓಡಾಡುತ್ತ, ಕ್ಯಾಮೆರಾಗಳಿಗೆ ಆರ್ಡರ್ ಮಾಡುತ್ತಾ, ಬಾಳೆಹಣ್ಣು ತಿನ್ನುತ್ತ ಬ್ರಹ್ಮಾಂಡ ಗುರೂಜಿ ಸ್ಪೆಷಲ್ ವೈಬ್ ಕ್ರಿಯೇಟ್ ಮಾಡಿದ್ದಾರೆ.
ಸದ್ಯಕ್ಕಂತೂ ಬ್ರಹ್ಮಾಂಡ ಗುರೂಜಿ ಎಂಟ್ರಿಯಿಂದ ಮನೆಯಲ್ಲಿ ನಗು ಕಾಣಿಸಿಕೊಂಡಿದೆ. ಆ ನಗು ಎಷ್ಟು ದಿನ ಎಂಬುದೇ ಈಗಿರುವ ಪ್ರಶ್ನೆ. ಮನೆಯಲ್ಲಿ ಗುರೂಜಿ ಎಷ್ಟು ಸಮಯ ಇರುತ್ತಾರೆ? ಯಾರಿಗೆ ಏನೇನು? ಹೇಳುತ್ತಾರೆ? ಎಂಬ ಕುತೂಹಲ ಮನೆ ಮಾಡಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.